قازاقستاندا شەتەلدىڭ اسكەري بازاسى دا ورنالاستىرىلمايدى.
بۇل تۋرالى بۇگىن پرەزيدەنت قاسىم-جومارت توقايەۆ دۋشانبەدە وتكەن ۇجىمدىق قاۋىپسىزدىك ۇيىمىنىڭ سەسسياسىندا مالىمدەدى، دەپ حابارلايدى Almaty-akshamy.kz
مەملەكەت باسشىسى ۇجىمدىق قاۋىپسىزدىك ۇيىمىنىڭ بىتىمگەرلەرى اۋعانستانداعى احۋالدى رەتتەۋگە اتسالىساتىنىن ايتتى.
«ەندى ۇجىمدىق قاۋىپسىزدىك تۋرالى شارت ۇيىمىنىڭ باس حاتشىسى ءارى بىتىمگەرى قىزمەتى پايدا بولادى»، - دەدى پرەزيدەنت.
ول سوعىس وتى شارپىعان ايماقتارعا بارىپ، كۇرمەۋلى ماسەلەلەرمەن اينالىسادى.
«اۋعانستاننىڭ جاڭا بيلىگىمەن ءىس-قيمىلداردى ۇيلەستىرۋ جانە ىقپالداستىقتى قامتاماسىز ەتۋ جونىندە ناقتى شارالار قابىلداۋدى ۇسىنامىن. جاڭا اۋعان بيلىگىنىڭ شەكارالاس مەملەكەتتەر مەن ايماقتارعا تەرروريزم ءقاۋپىنىڭ تارالماۋىنا جول بەرمەۋ جونىندەگى مىندەتتەمەلەرىن ورىنداۋى – ءبىزدىڭ ايقىن باسىمدىعىمىز. بۇل ەسىرتكى تاسىمالى مەن زاڭسىز كوشۋگە قاتىستى. ولارمەن كۇرەس بارلىق مۇددەلى تاراپتاردىڭ ۇجىمدىق كۇش-جىگەرىن تالاپ ەتەدى. جيىندا اۋعانستاننىڭ جاڭا بيلىگىمەن ساۋدا-ەكونوميكالىق قاتىناستى جانداندىرۋ ماسەلەسى دە قارالدى. سونداي-اق ورتالىق ازياداعى سىن-قاتەرلەردى الدىن الۋ بويىنشا ناقتى شارالار قابىلداندى»، - دەدى قاسىم-جومارت توقايەۆ.