اتالعان وقۋ ورنىنىڭ جاساندى ينتەللەكت باعىتىنداعى كامپۋسى وزگە قالادان اشىلعان العاشقى بولىمشەسى بولادى.
بۇل تۋرالى ەلباسى ۋنيۆەرسيتەت پرەزيدەنتى شيگەو كاتسۋمەن كەزدەسۋىندە مالىمدەدى، دەپ حابارلايدى Almaty-akshamy.kz
24.kz سايتىنىڭ حابارلاۋىنشا، باسقوسۋدا «نازاربايەۆ ۋنيۆەرسيتەتىنىڭ» 10 جىل ىشىندە قول جەتكىزگەن باستى جەتىستىكتەرى مەن جوعارى وقۋ ورنىن ودان ءارى دامىتۋ ستراتەگياسىن جۇزەگە اسىرۋ بارىسى تالقىلاندى.
«نازاربايەۆ ۋنيۆەرسيتەتىنىڭ» نەگىزى 2010 جىلى ەلدىڭ تۇڭعىش پرەزيدەنتى نۇرسۇلتان نازاربايەۆتىڭ باستاماسىمەن قالاندى. قىزمەتى دەربەس جانە اكادەميالىق ەركىندىك قاعيداتتارىنا نەگىزدەلگەن ەلدەگى العاشقى وقۋ ورنى. نەگىزگى ماقساتى - الەمدەگى وزىق ۋنيۆەرسيتەتتەرمەن تەڭەسۋ. بۇگىندە «نازاربايەۆ ۋنيۆەرسيتەتىندە» 6،8 مىڭنان استام ستۋدەنت ءبىلىم الادى. اشىلعاننان بەرى 5 مىڭنان استام عىلىمي ماقالا جارىق كورىپ، 300 عىلىمي جوبا جۇزەگە استى.