قازاقستاندىق تەننيسشىلەردىڭ ۋيمبلدون تۋرنيرىندە قانشا تابىس تاپقانى بەلگىلى بولدى، دەپ حابارلايدى Almaty-akshamy.kz.
قازاقستان تەننيس فەدەراسياسىنىڭ باسپا ءسوز قىزمەتىنەن ءمالىم ەتكەنىندەي، جەكەلەي سىندا شيرەك فينالعا دەيىن جەتكەن ەلەنا رىباكينا 340 مىڭ فۋنت ستەرلينگكە (194 075 525 تەڭگە) قول جەتكىزدى.
جەكەلەي سىندا ءتورتىنشى اينالىمنان اسا الماعان الەكساندر بۋبليك 207 مىڭ فۋنت ستەرلينگپەن (118 157 746 تەڭگە) قايتتى، دەپ جازدى قازاقپارات.
يۋليا پۋتينسيەۆا جەكەلەي (55 مىڭ فۋنت ستەرلينگ نەمەسە 31 394 570 تەڭگە) جانە جۇپتىق (6 875 فۋنت ستەرلينگ نەمەسە 3 924 321 تەڭگە) سىندا العاشقى اينالىمدا ونەر كورسەتكەنى ءۇشىن بارلىعى 61 875 فۋنت ستەرلينگ نەمەسە 35 318 891 تەڭگە ولجالادى.
اننا دانيلينانىڭ كورسەتكىشى – جۇپتىق سىنداعى العاشقى اينالىم: 6 875 فۋنت ستەرلينگ (3 924 321 تەڭگە) جانە ميكستا شيرەك فينال: 8 250 فۋنت ستەرلينگ (4 709 185 تەڭگە)، قورىتىندىسى – 15 125 فۋنت ستەرلينگ (8 633 506 تەڭگە).
جۇپتىق سىندا العاشقى اينالىمدا سۇرىنگەن الەكساندر نەدوۆەسوۆ پەن اندرەي گولۋبيەۆ 6 875 فۋنت ستەرلينگتەن (3 924 321 تەڭگە) تاپتى.
ۋيمبلدوننىڭ ىرىكتەۋ ساتىسىنىڭ ءبىرىنشى اينالىمىندا ويناعان تيموفەي سكاتوۆتىڭ تابىسى – 12 750 فۋنت ستەرلينگ (7 277 832 تەڭگە).