قازاقستاننىڭ كوشباسشى تەننيسشىسى ءتورتىنشى اينالىمدا فيليپپ شاترە كورتىندا دۇنيەجۇزىلىك رەيتينگىدە 2017 جىلى ءۇشىنشى ورىنعا دەيىن كوتەرىلگەن، ءقازىر 19-ساتىدا تۇرعان ۋكراينالىق ەلينا سۆيتوليناعا قارسى كەلدى، دەپ حابارلايدى almaty-akshamy.kz.
قارسىلاستار وسىعان دەيىن ءۇش رەت كەزدەسىپ، سونىڭ ەكەۋىندە ۋكراينالىق تەننيسشى باسىم تۇسكەن ەدى. سونىڭ ىشىندە توكيو وليمپياداسىندا قولا جۇلدە ءۇشىن باسەكەدە سۆيتولينانىڭ باعى جانعان-دى.
بۇل جولى سپورتشىلار ماچتى برەيك الماسۋمەن باستادى. ەسەپ 2:2 بولعان مەزەتتە رىباكينا تاعى ءبىر برەيكپەن العا شىقتى – 4:2. سودان كەيىن سەتكە دوپ بەرگەندە، ءساتتى وينادى – 6:4.
ەكىنشى سەتتى ەلەنا برەيكپەن باستادى – 2:0. ەسەپتى 4:1-گە جەتكىزگەنىمەن، سۆيتولينا دا بارىنشا تىرىسىپ باقتى – 3:4. دەگەنمەن رىباكينا ماچتى برەيكپەن تۇيىندەدى – 6:3.
ەلەنا رىباكينا جارتىلاي فينالعا شىعۋ ءۇشىن الەمنىڭ 15-راكەتكاسى، يتاليالىق ياسمينە پاوليني نەمەسە رەيتينگىدە 70-ورىنداعى رەسەيلىك ەلينا اۆانەسياننىڭ قاي جەڭگەنىمەن شەبەرلىك بايقاستىرادى.