بيىل ەلەنا الەمنىڭ ءبىرىنشى راكەتكاسىن ءۇش رەت ۇتتى
قازاقستاننىڭ ءبىرىنشى، الەمنىڭ 6-راكەتكاسى ەلەنا رىباكينا سپورتتىق جولىندا العاش رەت ريم WTA 1000 ءتۋرنيرىنىڭ جارتىلاي فينالىنا شىقتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
قازاقستاندىق تەننيسشى شيرەك فينالدا الەمنىڭ 1-راكەتكاسى، پولشا وكىلى يگا شۆەنتەكپەن وينادى. وسىعان دەيىن قارسىلاستار ءوزارا ءۇش رەت كەزدەسىپ، سونىڭ ەكەۋىندە بيىل ە. رىباكينا جەڭگەن ەدى.
ءبىرىنشى پارتيادا يگا شۆەنتەك 4:0 ەسەبىمەن العا كەتىپ، سول قارقىنىنان جاڭىلعان جوق – 6:2.
ەكىنشى سەتتە دە يگا 4:2 ەسەبىمەن الدا تۇردى. دەگەنمەن، ەلەنا قايىرا برەيك جاساپ، تارازى باسىن تەڭەستىردى. سودان كەيىن تاي-برەيكتە جەڭىستى جۇلىپ الدى – 7:6 (7:3).
ءۇشىنشى، شەشۋشى پارتيادا ەسەپ 2:2 بولعان مەزەتتە شۆەنتەك جاراقاتىنا بايلانىستى ماچتى جالعاستىرۋدان باس تارتتى.
ەكى ساعات 19 مينۋتقا سوزىلعان باسەكە بارىسىندا رىباكينا 10 ەيس جاساپ، 1 برەيك-پوينتتى ءمۇلت جىبەرمەدى. قارسىلاسى 1 ەيس، 3 برەيكپەن (10 برەيك-پوينت) كوزگە ءتۇستى.
وسىلايشا، بيىل ەلەنا الەمنىڭ ءبىرىنشى راكەتكاسىن ءۇش رەت ۇتتى.
ە. رىباكينا فينالعا شىعۋ ءۇشىن الەمنىڭ 20-راكەتكاسى، لاتۆيالىق ەلەنا وستاپەنكومەن تالاسادى. ول شيرەك فينالدا تارتىستى كەزدەسۋدە يسپانيالىق پاۋلا بادوسانى جولدان تايدىردى – 6:2، 4:6، 6:3.