الماتى مۋزەيىندە «ءتىرى مۋزەي» تەاترلاندىرىلعان قويىلىمى ۇيىمداستىرىلادى
حالىقارالىق مۋزەيلەر كۇنىنە وراي الماتىدا «مۋزەي ءتۇنى» ونلاين اكسياسى وتەدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
حالىقارالىق مۋزەيلەر كۇنىنە وراي 18 مامىردا الماتى قالاسى مادەنيەت باسقارماسىنا قاراستى «الماتى قالاسى مۋزەيلەر بىرلەستىگى» «تاريح. تۇلعا. مۋزەي» تاقىرىبىندا اۋقىمدى مادەني-كوڭىل كوتەرۋ شاراسىن وتكىزۋدى جوسپارلار وتىر.
«مۋزەي ءتۇنى» اكسياسى – الماتىنىڭ مادەني ومىرىندەگى ماڭىزدى شارالاردىڭ بىرىنە اينالدى. وسىعان بايلانىستى «الماتى قالاسى مۋزەيلەر بىرلەستىگى» كمكق مۋزەيلەرى تاقىرىپتىق كورمەلەر، شەبەرلىك ساباقتارى، كۆەست، بايقاۋلار، كونسەرتتىك باعدارلامالار، تەاترلانعان قويىلىمدار كىرەتىن ارنايى مادەني-تانىمدىق باعدارلامالارىن دايىندادى.
«مۋزەيلەر الماتى قالاسىنىڭ رۋحاني جانە مادەني ءومىرىنىڭ اجىراماس بولىگى. ءبىزدىڭ مۇراجايلارعا كەلۋشىلەر ارتەفاكتىلەرمەن تانىسىپ، ولاردىڭ تاريحى مەن الماتى قالاسىنىڭ تاريحى تۋرالى ءبىلىپ قانا قويماي، ءتۇرلى رۋحاني-تاريحي جانە مادەني ءىس-شارالارعا قاتىسىپ، وي-ورىستەرىن كەڭەيتەدى. وسىنداي اكسيالاردىڭ ءبىرى «مۋزەي ءتۇنى» اكسياسى»، - دەدى وڭىرلىك كوممۋنيكاسيالار قىزمەتى الاڭىندا وتكەن باسپا ءسوز ءماسليحاتىندا «الماتى قالاسى مۋزەيلەر بىرلەستىگى» ديرەكتورىنىڭ دامۋ جونىندەگى ورىنباسارى قايرات تاربايەۆ.
سپيكەردىڭ سوزىنشە، شارانىڭ سالتاناتتى اشىلۋى ورتالىق مۋزەيدە وتەدى. وعان ز. التىنبايەۆا، بۇركىت جانە ايشا، «Tengri» توبى جانە تاعى دا باسقا ەسترادا جۇلدىزدارى ونەر كورسەتەدى.
«ماسەلەن، الماتى مۋزەيىندە «ءتىرى مۋزەي» تەاترلاندىرىلعان قويىلىمى ۇيىمداستىرىلادى. كەلۋشىلەردىڭ نازارىنا قولا داۋىرىندەگى ايەل، قازاق باتىرلارى، سونداي-اق باسقا دا بەلگىلى، تاريحي تۇلعالار ۇسىنىلادى. سونداي-اق، بەلگىلى ارتىستەر عازيزحان شەكەربەك، كەنجەبەك ءجانابىلوۆ، ەرلان باينازاروۆ جانە «Tengri ethno music band» قاتىساتىن كونسەرتتىك باعدارلاما ۇيىمداستىرىلادى»، - دەدى ول.
الماتى مۋزەيى باعدارلاماسىندا:
- ىقىلاس اتىنداعى حالىق مۋزىكالىق اسپاپتار مۋزەيىندە جانە مۋلتيمەديالىق ءداستۋرلى مۋزىكا ورتالىعىندا ق ر ءداستۋرلى انشىلەرى مۇرات ءابۋعازى، نۇرجان جانپەيىسوۆ، رامازان ستامعازييەۆ، «Steppe Sons» مودەرن ەتنو-دجاز توبى، ت.ب. قاتىسۋىمەن كونسەرتتىك باعدارلاما وتەدى. مۋزەيدىڭ ەكسپوزيسيالىق زالدارىندا كەلۋشىلەردى قوركىت، قۇرمانعازى، اقان سەرى كەيىپكەرلەر كۇتەدى.
- د.ا. قونايەۆ مۋزەيىندە، ا. بايتۋرسىن ۇلى مۋزەي-ۇيىندە، ن. تىلەندييەۆتىڭ مەموريالدى مۋزەيىندە، س. مۇقانوۆ پەن F. مۇسىرەپوۆتىڭ ادەبي-مەموريالدى مۋزەي كەشەنىندە كونسەرتتىك باعدارلاما، دەرەكتى فيلمدەر كورسەتىلەدى.