تەننيستەن قازاقستاننىڭ ءبىرىنشى راكەتكاسى ەلەنا رىباكينا توكيو ويىندارىن ءساتتى جالعاستىرۋدا، دەپ حابارلايدى almaty-akshamy.kz Olympic.kz سىلتەمە جاساپ.
قازاقستاندىق تەننيسشى ەكىنشى اينالىمدا شۆەسيا وكىلى رەبەككا پەتەرسونمەن كەزدەسكەن بولاتىن.
ەكى سەتكە سوزىلعان ماچتا رىباكينا 6:2، 6:3 ەسەبىمەن جەڭىسكە جەتتى. كەزدەسۋ 1 ساعات 14 مينۋتقا سوزىلعان.
ايتا كەتەيىك، ەلەنا رىباكينا - تەننيستەن قازاقستان ايەلدەر كومانداسىنىڭ توكيو وليمپياداسىندا قالعان جالعىز وكىلى. بۇعان دەيىن زارينا دياس، ياروسلاۆا شۆەدوۆا جانە يۋليا پۋتينسيەۆا جارىستى جالعاستىرۋدان باس تارتقان بولاتىن.