قازاقستاننىڭ ءبىرىنشى، الەمنىڭ 7-راكەتكاسى ەلەنا رىباكينا اقش-تا ءوتىپ جاتقان مايامي WTA 1000 ءتۋرنيرىنىڭ كەلەسى كەزەڭىنە شىقتى، دەپ حابارلايدى Almaty-akshamy.kz.
ە.رىباكينا جۇلدە قورى 8،8 ملن اقش دوللارىنا باعالانعان ماستەرس دوداسىنىڭ شيرەك فينالىنا شىعۋ ءۇشىن الەمنىڭ 39-راكەتكاسى، بەلگيالىق ەليزا مەرتەنسپەن كەزدەستى.
ماچ 6:4، 6:3 ەسەبىمەن قازاقستاندىق سپورتشىنىڭ پايداسىنا شەشىلدى.
ول بۇعان دەيىن الەمنىڭ بۇرىنعى 2-راكەتكاسى، قازىرگى كەزدە دۇنيەجۇزىلىك رەيتينگتە 29-ورىندا تۇرعان يسپانيالىق پاۋلا بادوسانى جەڭگەن ەدى.