قازاقستاننىڭ ءبىرىنشى، الەمنىڭ 4-راكەتكاسى ەلەنا رىباكينا بريسبەن (اۋستراليا) WTA 500 تۋرنيرىندە جاڭا جىلداعى بەتاشار ماچىن وتكىزەدى، دەپ حابارلايدى اlmaty-akshamy.kz.
جارىستى ەكىنشى اينالىمنان باستايتىن قازاقستاندىق تەننيسشى دۇنيەجۇزىلىك رەيتينگتە 124-ورىندا تۇرعان اۋستراليالىق وليۆيا گادەكيمەن سىنعا تۇسەدى.
باسەكە استانا ۋاقىتىمەن ساعات 14.30-دا باستالادى.
جۇلدە قورى 1،7 ملن دوللاردان اساتىن اتالمىش دودادا ە.رىباكينا ەكىنشى راكەتكا بولىپ تىركەلگەن. تۋرنير جەڭىمپازى 220 مىڭ دوللار تابىس تاۋىپ، 500 رەيتينگىلىك ۇپايعا يە بولادى.
تاعى ءبىر قازاقستاندىق، الەمنىڭ 190-راكەتكاسى دەنيس ەۆسەيەۆ كانبەررا (اۋستراليا) چەللەندجەر ءتۋرنيرىنىڭ ەكىنشى اينالىمىندا رەيتينگتە 167-ورىنداعى چەحيالىق ياكۋب مەنشيككە جول بەردى – 4:6، 4:6. ءسويتىپ، شيرەك فينالعا شىعا المادى.