ەلەنا رىباكينا الەمدىك رەيتينگىدە جەتىنشى ورىنعا كوتەرىلەدى
قازاقستاننىڭ ءبىرىنشى راكەتكاسى ەلەنا رىباكينا ينديان-ۋەللس WTA 1000 ءتۋرنيرىنىڭ چەمپيونى اتاندى، دەپ حابارلايدى Almaty-akshamy.kz قازاقپاراتقا سىلتەمە جاساپ.
قازاقستاندىق تەننيسشى فينالدا الەمنىڭ 2-راكەتكاسى، بەلارۋس وكىلى ارينا سوبولەنكومەن كەزدەستى.
ءبىر ساعات 20 مينۋتقا سوزىلىپ، تارتىستى وربىگەن ءبىرىنشى پارتيادا ە.رىباكينا تاي-برەيكتە جەڭىستى جۇلىپ الدى – 7:6 (13:11).
ول ەكىنشى سەتتە دە ەسەسىن جىبەرمەدى – 6:4.
ەكى ساعاتتان استام ۋاقىتقا سوزىلعان باسەكە بارىسىندا ەلەنا 7 ەيس جاساپ، 10 برەيك-پوينتتىڭ ۇشەۋىن پايدالاندى. ا.سوبولەنكو 4 ەيس، 2 برەيكپەن (6 برەيك-پوينت) شەكتەلدى.
وسىلايشا، العاش رەت WTA 1000 جارىسىنىڭ جەڭىمپازى اتانعان ە.رىباكينا ا.سوبولەنكودان اۋستراليا اشىق چەمپيوناتىنىڭ فينالىندا كەتكەن ەسەنى قايتاردى.
سونداي-اق ەلەنا رىباكينا ءوز سپورتتىق جولىندا العاش رەت الەمدىك رەيتينگىدە جەتىنشى ورىنعا كوتەرىلەدى.
ەسكە سالا كەتەيىك، بۇدان بۇرىن ەلەنا رىباكينانىڭ الەمنىڭ سەگىزىنشى راكەتكاسى اتانعانىن جازعان بولاتىنبىز.
سونداي-اق قازاقستاندىق تەننيسشى شۆەيسارياداعى ءتۋرنيردىڭ فينالىنا شىقتى.
قازاقستاندىق جاس تەننيسشى ءۇندىستاندا وتكەن جارىستىڭ جەڭىمپازى اتاندى.