الەمنىڭ 1ء-شى راكەتكاسىنان باسىم تۇسكەن ەلەنا رىباكينا العاش رەت ينديان ۋەللس ءتۋرنيرىنىڭ فينالىنا شىقتى.
قازاقستاننىڭ ءبىرىنشى، الەمنىڭ 10-شى راكەتكاسى ەلەنا رىباكينا اقش-تا ءوتىپ جاتقان ينديان ۋەللس WTA 1000 ءتۋرنيرىنىڭ فينالىنا شىقتى، دەپ حابارلايدى اlmaty-akshamy.kz
قازاقستاننىڭ ماڭدايالدى تەننيسشىسى جارتىلاي فينالدا الەمنىڭ 1ء-شى راكەتكاسى، پولشا وكىلى يگا شۆەنتەكپەن شەبەرلىك بايقاستى.
وسىعان دەيىن قارسىلاستار ءۇش رەت كەزدەسىپ، سونىڭ ەكەۋىندە قازاقستاندىق تەننيسشى ۇتقان ەدى.
بۇدان ەكى اي بۇرىن ە.رىباكينا اۋستراليا اشىق چەمپيوناتىندا الەمنىڭ 1ء-شى راكەتكاسىن 6:4، 6:4 ەسەبىمەن جەڭگەن.
بۇل جولى ءبىرىنشى پارتيادا ەلەنا برەيكپەن العا شىقتى. سودان كەيىن تاعى ءبىر برەيكپەن ءبىتىردى – 6:2.
رىباكينا ەكىنشى سەتتى دە برەيكپەن باستادى – 2:0. تاعى ءبىر برەيك – 4:0. سودان كەيىن ەسەپ 5:1 بولىپ، ءوزى دوپ بەرگەندە، ەكى ماچبولىن پايدالانا المادى.
دەگەنمەن ماچتى تاعى ءبىر برەيكپەن ءتامامدادى – 6:2.
ءبىر ساعات 15 مينۋتقا سوزىلعان باسەكە بارىسىندا ە.رىباكينا 7 ەيس جاساپ، 5 برەيك-پوينتتى تۇگەل ءوز ەسەبىنە جازدى. قارسىلاسى 1 ەيس، 1 برەيكپەن كوزگە ءتۇستى.
وسىلايشا، الەمنىڭ ءبىرىنشى راكەتكاسىن ايقىن باسىمدىللىقپەن ۇتقان ە.رىباكينا ءوز سپورتتىق جولىندا العاش رەت ينديان ۋەللس جارىسىنىڭ (جۇلدە قورى – 8،8 ملن اقش دوللارى) فينالىنا ءوتتى.
ول سوڭعى باسەكەدە الەمنىڭ 2-راكەتكاسى، بەلورۋسسيالىق ارينا سوبولەنكومەن باس جۇلدەنى ساراپقا سالادى.
ا.سوبولەنكو جارتىلاي فينالدا الەمنىڭ 7ء-شى راكەتكاسى، گرەكيالىق ماريا ساككاريدى جولدان تايدىردى – 6:2، 6:3.
بيىل اۋستراليا اشىق چەمپيوناتىنىڭ فينالىندا ا.سوبولەنكو ە.رىباكينانى 4:6، 6:3، 6:4 ەسەبىمەن جەڭىپ كەتكەن ەدى. سونىڭ ەسەسىن ەلەنا قايتارا الا ما، ونى الداعى ماچ كورسەتەدى.