ەلەنا رىباكينا – الەمنىڭ ءۇشىنشى راكەتكاسى

ول "رولان گارروس" جارىسىنىڭ شيرەك فينالىندا ونس جابەردى جەڭگەننەن كەيىن وسى دارەجەگە جەتتى.

قازاقستاندىق تەننيسشى ەلەنا رىباكينا "رولان گارروس" قورىتىندىسى بويىنشا الەمنىڭ ءۇشىنشى راكەتكاسى اتاندى، دەپ حابارلايدى Almaty-akshamy.kz

بۇعان دەيىن WTA رەيتينگىنىڭ جاڭارتىلعان نۇسقاسىندا كەمىندە ەكى ساتىعا تومەندەيتىن الەمنىڭ رەسمي ءۇشىنشى راكەتكاسى – امەريكالىق دجەسسيكا پەگۋلا قارسىلاسىنان جەڭىلگەن بولاتىن.

پەگۋلا ءۇشىنشى اينالىمدا بەلگيالىق ەليس مەرتەنستەن 1:6، 3:6 ەسەبىمەن جەڭىلىپ قالدى.

كەشە تۋنيستىك ونس جابەر جەڭىلدى. رىباكينانى قۋىپ جەتۋ ءۇشىن ول "رولان گارروستا" جەڭۋى كەرەك بولدى. الايدا برازيليالىق تەننيسشى بەاتريس حادداد-ماييا (الەمنىڭ 14ء-شى راكەتكاسى) "رولان گارروستىڭ" شيرەك فينالىندا ءۇش كەزدەسۋدە دە تۋنيستىك الەمنىڭ جەتىنشى راكەتكاسى ونس جابەردى ۇتىپ (3:6، 7:6 ( 7:5)، 6:1) جارتىلاي فينالعا شىقتى.

ايتا كەتەرى، بۇعان دەيىن ەلەنا رىباكينا "رولان گارروس" جارىسىنا قاتىسپادى.

قازاقستاننىڭ ۇزدىك تەننيسشىسى ءتورتىنشى راۋندتا قىزۋى كوتەرىلىپ، ءوزىن ءالسىز سەزىنۋىنە بايلانىستى يسپانيالىق سارا توريبەس-سورمومەن كەزدەسۋدەن باس تارتتى.