ەلەكترساموكات ايدايتىندارعا ەسكەرتۋ: قانداي ەرەجەلەر مەن ايىپپۇلدار بار؟

كەيىنگى جىلدارى الماتى كوشەلەرىندە ەلەكترساموكاتپەن جۇرەتىندەر سانى كۇرت ارتتى. ۋاقىتتى ۇنەمدەۋدىڭ، كەپتەلىستەن قاشۋدىڭ جانە ەكولوگيالىق كولىكتى تاڭداۋدىڭ ىڭعايلى جولى رەتىندە تانىلعان بۇل كولىك تۇرىنە قاتىستى ءقازىر ناقتى ەرەجەلەر قالىپتاسىپ جاتىر. دەگەنمەن، كوپ جۇرگىزۋشى زاڭ تالاپتارىن تولىق بىلمەيدى. اqshamnews.kz بۇل كولىك قۇرالىن تىزگىندەيتىندەرگە قانداي جاعدايدا ايىپپۇل سالىناتىنى تۋرالى ايتادى.

ەلەكترساموكات كولىك قۇرالى ما؟

2023 جىلى قازاقستاندا ەلەكترساموكاتتىڭ جول قوزعالىسىنا قاتىستى مارتەبەسى زاڭمەن بەكىتىلدى. دەمەك، ونى باسقارۋ ءۇشىن بەلگىلى ءبىر تالاپتار بار.

جول قوزعالىسى ەرەجەلەرى قانداي؟

1. جاس شەكتەۋى: ەلەكترساموكاتتى 18 جاستان اسقان ازاماتتار عانا ايداي الادى.

2. جۇرگىزۋشى كۋالىگى بولۋى كەرەك: ەلەكترساموكاتتى كولىك جۇرەتىن جول بويىمەن ايداساڭىز، جۇرگىزۋشى كۋالىگىڭىز بولۋى كەرەك. 

3. جىلدامدىق شەكتەۋى:

   • جولدا: 25 كم/ساع دەيىن،

   • تروتۋار مەن جاياۋ جۇرگىنشى جولىندا: 6 كم/ساع اسپاۋ كەرەك.

4. قاي جەردە جۇرۋگە بولادى؟

   • ءبىرىنشى كەزەكتە ۆەلوسيپەد جولىمەن ءجۇرۋ مىندەتتى.

   • ەگەر ۆەلوسيپەد جولى بولماسا، جولدىڭ وڭ جاق شەتىمەن قوزعالۋعا رۇقسات ەتىلەدى.

5. تىيىم سالىنعان ارەكەتتەر:

   • قوسىمشا ادام وتىرعىزۋ،

   • اۋىر جۇك الىپ ءجۇرۋ،

   • ءرۋلدى ءبىر قولمەن ۇستاۋ،

   • تۇندە جارىق شاعىلىستىرعىش كيىمسىز ءجۇرۋ،

   • قاۋىپسىزدىك كاسكاسىن كيمەۋ.

قاۋىپسىزدىك ءۇشىن كەڭەستەر

• كاسكا كيىڭىز – بۇل جاراقات الۋ ءقاۋپىن ەداۋىر ازايتادى.

• جولدا جۇرگەندە – ۆەلوسيپەد جولاعىن تاڭداڭىز.

• قاراڭعىدا شاعىلىستىرعىش بەلدىك، كيىم نەمەسە فارا پايدالانعان ءجون.

• جاياۋ جۇرگىنشىلەر اراسىندا جۇرمەڭىز، قاجەت بولسا، ساموكاتتان ءتۇسىپ، جاياۋ ءوتىڭىز.

ايىپپۇل قانداي؟

ەلەكترساموكات جۇرگىزۋشىلەرى زاڭ بۇزعان جاعدايدا اكىمشىلىك قۇقىقبۇزۋشىلىق تۋرالى كودەكس اياسىندا جاۋاپكەرشىلىككە تارتىلادى.

• قوعامدىق ءتارتىپتى بۇزۋ، جول ەرەجەسىن ساقتاماۋ نەمەسە باسقا ازاماتتاردىڭ قاۋىپسىزدىگىنە ءقاۋىپ ءتوندىرۋ – 5 اەك مولشەرىندە ايىپپۇل (2025 جىلى - شامامەن 17 250 تەڭگە).

• قالاداعى جالعا بەرىلەتىن ساموكاتتاردى تۇراققا دۇرىس قويماۋ:

  • 1-رەت – ەسكەرتۋ نەمەسە 100 تەڭگە،

  • 2-رەت – 1 000 تەڭگە،

  • 3-رەت – 3 000 تەڭگە،

  • 4 جانە ودان كەيىنگى جاعدايلاردا – 10 000 تەڭگە.

ايتا كەتەيىك، الماتىدا قۇقىق قورعاۋ ورگاندارى تاراپىنان ەلەكترساموكات ايداۋشىلارعا قاتىستى رەيدتەر جيىلەپ كەلەدى. 

كەيىنگى دەرەككە سايكەس، ساموكاتتار 127 جول اپاتىنا سەبەپشى بولعان. بۇدان 133 ادام زارداپ شەككەن.