اسىرەسە، الماتى قالاسىندا وسى پروبلەما وزەكتى بولىپ تۇر.
جاقىندا قالا ساياباقتارىندا ەلەكتروساموكاتپەن جۇرۋگە تىيىم سالىندى، دەپ حابارلايدى Almaty-akshamy.kz
ىشكى ىستەر مينيسترلىگى ەلەكتروساموكاتقا قاتىستى تەحنيكالىق تالاپتاردان كەيىن تاعى قانداي ەرەجەلەر ەنگىزىلەتىنىن ءتۇسىندىردى.
بارلىق وزگەرىس مەملەكەتتىك ورگانداردا تالقىلانادى. قوعام تالقىسىنا دا شىعارىلادى.
1 شىلدەدەن باستاپ قازاقستاندا ەلەكتروساموكاتتاردىڭ تەحنيكالىق سيپاتتاماسىن انىقتايتىن ۇلتتىق ستاندارت كۇشىنە ەنگەن بولاتىن. اتاپ ايتقاندا، ستاندارتتا ەلەكترساموكاتتىڭ انىقتاماسى جانە ونى قولدانۋ ءتارتىبى جازىلعان.
«ۇلتتىق ستاندارتتا ەلەكتروساموكاتتى ساتۋ، وعان كۋالىك الۋ، سونداي-اق، ساموكاتتىڭ تۇرلەرى كورسەتىلگەن. ستاندارت قابىلدانعان ۋاقىتتان باستاپ ءبىر جىل ىشىندە «جول قوزعالىسى تۋرالى» زاڭعا وزگەرىستەر مەن تۇزەتۋلەر ەنگىزىلەدى»، - دەيدى اكىمشىلىك پوليسيا كوميتەتى ءتوراعاسىنىڭ ورىنباسارى جاندوس مۇراتالييەۆ.
ونىڭ ايتۋىنشا، زاڭدا ەلەكتروساموكات جۇرگىزۋشىسىنىڭ قۇقىقتىق ستاتۋسى بەكىتىلەدى. ناقتى مىندەتتەرى مەن قۇقىقتارى دا ايقىندالادى.
«ەلەكتروساموكاتتاردى باسقارۋ ءۇشىن جۇرگىزۋشى كۋالىگى تالاپ ەتىلمەيدى. ءبىراق، ەگەر ساموكات جۇرگىزۋشىسى جولعا، ۆەلوسيپەد جولاعىنا جانە تروتۋارعا شىعاتىن بولسا، مىندەتتى تۇردە كەم دەگەندە 16 جاستا بولۋى كەرەك. سونداي-اق، ەلەكتروساموكاتتا فار جارىعى بولۋى شارت. سوندا تۇندە كورىنىپ تۇرادى»، – دەدى مۇراتالييەۆ.
بارلىق وزگەرىس مەملەكەتتىك ورگانداردا تالقىلانادى. قوعام تالقىسىنا دا شىعارىلادى.
ايتا كەتەرى، ەلەكتروساموكاتتار ماسەلەسى بۇرىننان بەرى تالقىلانىپ جاتىر. اسىرەسە، الماتى قالاسىندا وسى پروبلەما وزەكتى بولىپ تۇر. ويتكەنى جاز شىققاندا كوبىسى ساموكاتپەن جۇرەدى. جاقىندا قالا ساياباقتارىندا ەلەكتروساموكاتپەن جۇرۋگە تىيىم سالىندى.