ءىىم شەگۋگە بولمايتىن تەمەكى ونىمدەرىنىڭ اينالىمى ءۇشىن جاۋاپكەرشىلىكتى ءتۇسىندىردى، دەپ حابارلايدى Almaty-akshamy.kz Polisia.kz-كە سىلتەمە جاساپ.
– قۇرمەتتى ازاماتتار! 2024 جىلعى 20 ماۋسىمنان شەگىلمەيتىن تەمەكى ونىمدەرى، ەلەكتروندىق تۇتىنۋ جۇيەلەرى، ۆەيپتەر جانە ولارعا ارنالعان حوش يىستەندىرگىشتەر مەن سۇيىقتىقتاردىڭ اينالىمى ءۇشىن قىلمىستىق جاۋاپكەرشىلىك كوزدەلەدى. “حالىق دەنساۋلىعى جانە دەنساۋلىق ساقتاۋ جۇيەسى تۋرالى” كودەكسكە سايكەس شەگىلمەيتىن تەمەكى ونىمدەرىنە قۇرامىندا نيكوتين بار، تەمەكى جاپىراعىنان ازىرلەنەتىن زاتتار جانە ولاردىڭ سينتەتيكالىق انالوگتارى جاتادى. ولار سورۋ، شايناۋ، يىسكەۋ ءۇشىن دايىندالادى. ەلەكتروندىق تۇتىنۋ جۇيەلەرىنە، ۆەيپتەرگە قۇرامىندا نيكوتين بار نەمەسە جوق سۇيىقتىقتى، باسقا دا حيميالىق زاتتاردى، حوش يىستەندىرگىشتەردى قىزدىراتىن قۇرىلعىلار جاتادى. وزدەرىڭىز بىلەتىندەي، بۇعان دەيىن ىشكى ىستەر مينيسترلىگى تۇرعىندارعا جانە كاسىپكەرلەرگە قابىلدانعالى جاتقان وزگەرىستەردى ءتۇسىندىرۋ بويىنشا جۇمىستار جۇرگىزدى. اتالعان زاتتاردى ساتۋ جانە تاراتۋ فاكتiلەرi انىقتالعان جاعدايدا كiءنالi تۇلعاعا 200 اەك دەيىنگى مولشەردە ايىپپۇل سالىنادى نەمەسە سول مولشەردە تۇزەۋ جۇمىستارى، نە بولماسا 200 ساعاتقا دەيىنگى مەرزىمگە قوعامدىق جۇمىستارعا تارتۋ جازاسى، يا بولماسا 50 تاۋلىككە دەيىنگى مەرزىمگە قاماۋعا الۋ جازاسى قاراستىرىلادى. وسى زاتتاردى اكەلگەنى جانە وندىرگەنى ءۇشىن مۇلكى تاركىلەنىپ، ەكى جىلعا دەيىنگى مەرزىمگە باس بوستاندىعىنان ايىرۋ كوزدەلگەن. ەگەر ايتىلعان ىس-ارەكەتتەر ادامدار توبىمەن، اسا ءىرى مولشەردە، بىرنەشە رەت جاسالسا، مۇلكى تاركىلەنىپ، بەس جىلعا دەيىن باس بوستاندىعىنان ايىرۋ جازاسى قاراستىرىلادى. قۇرمەتتى ازاماتتار! زاڭناماداعى كورسەتىلگەن وزگەرىستەر ەلىمىزدىڭ بولاشاعى – بالالار مەن جاستاردىڭ دەنساۋلىعىن قامتاماسىز ەتۋگە باعىتتالعان، – دەدى ق ر ءىىم اكىمشىلىك پوليسيا كوميتەتىنىڭ ەرەكشە تاپسىرمالار جونىندەگى اعا ينسپەكتورى ەرجان جاقسىلىقوۆ.