ءماجىلىس ەلەكتروموبيلدەر تۋرالى زاڭ جوباسىن ءبىرىنشى وقىلىمدا ماقۇلدادى، دەپ حابارلايدى اlmaty-akshamy.kz.
ءماجىلىستىڭ ەكولوگيا ماسەلەلەرى جانە تابيعات پايدالانۋ كوميتەتى ازىرلەگەن قورىتىندىعا سۇيەنسەك، زاڭ جوباسى «ساۋلەت، قالا قۇرىلىسى جانە قۇرىلىس قىزمەتى تۋرالى»، «اۆتوموبيل جولدارى تۋرالى»، «اۆتوموبيل كولىگى تۋرالى»، «ەرەكشە قورعالاتىن تابيعي اۋماقتار تۋرالى»، «جول ءجۇرىسى تۋرالى» زاڭدارعا وزگەرىستەر مەن تولىقتىرۋلار ەنگىزۋگە باعىتتالعان.
زاڭ جوباسىنىڭ نەگىزگى نورمالارى:
- «ەلەكترمەن قۋاتتاۋ ستانسياسى» دەگەن جاڭا ۇعىمدى ەنگىزۋگە؛
- جولداردى جوبالاعان كەزدە ەلەكترمەن قۋاتتاۋ ستانسيالارىن ورناتاتىن ارنايى ورىن قامتاماسىز ەتۋگە؛
- ەگجەي-تەگجەيلى جوسپارلاۋ جوباسىندا اۋماقتى ەلەكترمەن قۋاتتاۋ ستانسيالارىن سالاتىن ورىنداردى رەزەرۆكە قويۋ ماسەلەسىن بەلگىلەۋگە؛
- زاڭناماعا «گيبريدتى اۆتوموبيل» جانە «ەلەكتروموبيل» ۇعىمدارىن ەنگىزۋگە؛
- اۋەجايلاردا، ۆوكزالداردا، 1 جانە 2-ساناتتارداعى تۇراقتى ساۋدا وبەكتىلەرىندە، بازارلاردا، تەاترلاردا، سيركتەردە، كينوتەاترلاردا، مادەني-دەمالىس ۇيىمدارىندا، الاڭداردا، داڭعىلداردا، كوشەلەردە ەلەكترمەن قۋاتتاۋ ستانسيالارى بار تاكسي تۇراعىن ۇيىمداستىرۋعا؛
- ەرەكشە قورعالاتىن اۋماقتى جوسپارلاۋ جوباسىندا ورتالىق ەلەكترمەن جابدىقتاۋ جەلىلەرىنە كىرە الاتىن ورىنداردا ەلەكترمەن قۋاتتاۋ ستانسيالارى بار تۇراقتاردى ورنالاستىرۋعا؛
- ەلەكتروموبيلدەردىڭ مەنشىك يەلەرىن، ونىڭ ىشىندە ارداگەرلەردى، مۇگەدەكتىگى بار ادامداردى، كوپ بالالى انالاردى، يادرولىق سىناقتار سالدارىنان زارداپ شەككەن ادامداردى جانە ارنايى اۆتوكولىك جۇرگىزۋشىلەرىن تۇراق ورىندارىن تولەۋدەن بوساتۋعا باعىتتالعان.