بيىل كولىك باعاسى كوتەرىلە مە؟

Freedom Finance Global ساراپشىلارى ينفلياسيا دەڭگەيىنە قاراي اۆتوكولىك باعاسى 12-17% وسەتىنىنە بولجام جاسادى.

انىعىندا، كولىك باعاسى بيىل 12-17%-عا ارتادى دەپ كۇتىلۋدە. سونىمەن قاتار، اۆتوكولىك نارىعىنىڭ ءوسىمى ينفلياسيا قارقىنىنىڭ باياۋلاۋىمەن بىرگە تومەندەيدى. دەسەك تە،  جەرگىلىكتى نارىق ءۇشىن بۇل سالىستىرمالى تۇردە العاندا، جوعارى دەڭگەيدە قالادى ، - دەيدى ساراپشىلار، دەپ حابارلايدى اlmaty-akshamy.kz. 

ساراپشىلار سونداي-اق بيىل ەلدىڭ اۆتوموبيل نارىعىنداعى ساتىلىم ءوسىمى باياۋلايدى دەپ بولجاپ وتىر. الايدا ولاردىڭ كوپشىلىگى جاقىن ارادا بازالىق مولشەرلەمەنىڭ تومەندەۋى مۇمكىن ەكەنىن، سونىڭ ناتيجەسىندە، حالىقتىڭ نەسيە الۋ مۇمكىندىگىنىڭ ارتاتىنىن اتاپ وتەدى.

«ءبىز سونداي-اق ارنايى ۇسىنىس، جەڭىلدىك جانە قىسقا مەرزىمدى تولەمدەر سانىنىڭ ءوسىمىن كۇتەمىز. الايدا، جالپى العاندا، ەكىنشى دەڭگەيلى نەسيەلەر بويىنشا مولشەرلەمە 10% -دان جوعارى بولىپ قالادى ءارى جاڭا جەڭىلدىكتى جاپپاي نەسيەلەۋ باعدارلاماسى شىقپايدى، – دەيدى ماماندار. بۇدان وزگە، ساراپشىلاردىڭ پىكىرىنشە، قىتايدىڭ قارقىندى دامىپ كەلە جاتقان اۆتوموبيل ونەركاسىبى نارىق ديناميكاسىنا تىكەلەي اسەر ەتەدى. مۇنداي پروسەسس باسقا ءوندىرۋشى ەلدەردىڭ اۆتوكولىكتەرىنە سۇرانىستىڭ تومەندەۋىنە الىپ كەلەدى. «تۇتىنۋشىنىڭ جاڭا اۆتوكولىكتەرگە سۇرانىسىنىڭ ارتۋى جانە ەسكى كولىكتەرگە دەگەن تۇتىنۋشىلىق سۇرانىستىڭ تومەندەۋى دە بولجانۋدا»، - دەپ قورىتىندىلايدى ساراپشىلار زەرتتەۋىن.