الەمدىك تەندەنسيانىڭ ىقپالى بولار، ونىڭ ۇستىنە جاقسى تەحنيكالىق سيپاتتاماسى بار ەلەكتر كولىگىن اكەلۋ كەزىندە مەملەكەتتىك تولەم تۇرلەرىنەن بوساتۋ سۇرانىستى ارتتىردى.
نەگىزى كاسىپكەرلىك قىزمەتكە جاتپايتىن جەكە پايدالانۋعا جىلىنا تەك ءبىر ماشينانى كىرگىزۋگە رۇقسات بار، دەپ حابارلايدى اlmaty-akshamy.kz. الايدا ءىس جۇزىندە ەلەكتر كولىگى جەكە پايدالانۋ ءۇشىن دەپ راسىمدەلگەنىمەن، كەيىننەن قايتا ساتىلعان. مۇنداي زاڭسىزدىقتى 8 اۆتوسالون بۇزعان. الماتى قالاسى بويىنشا كولىك پروكۋرورلارى 34 قايتا ساتۋ وقيعاسىن انىقتادى. ناتيجەسىندە مەملەكەتكە كەلگەن بولجامدى شىعىن 100 ملن تەڭگەدەن اسقان. مىسالى، «Li Auto» (Li 7 جانە 9) ماركالى اۆتوكولىكتىڭ جاعدايىنا توقتالار بولساق، ۋاكىلەتتى ورگاننىڭ ۇستانىمىنا سايكەس، بۇل كولىك ەلەكتروموبيل ساناتىنا جاتادى. 141 اۆتوكولىككە (كەدەن وكىلدەرى، دەكلارانتتار) 7 جاعدايدا گيبريد كودى قولدانىلعان، مۇنىڭ ءوزى بيۋدجەتكە شامامەن 80 ملن تەڭگەنىڭ نەگىزسىز تولەنۋىنە جانە سىرتقى ەكونوميكالىق قىزمەتكە قاتىسۋشىلاردىڭ قۇقىعىنىڭ بۇزىلۋىنا اكەپ سوقتىرعان. وسىعان وراي ءقازىر شارا قولدانىلۋدا.