اەس قۇرىلىسى بويىنشا حالىق شتابىنىڭ مۇشەلەرى تەمىربەتون بۇيىمدارى مەن ەلەكتر جەلىسىن سالۋعا ارنالعان كونسترۋكسيالار شىعاراتىن "تەمىربەتون" ج ش س زاۋىتىندا قۇرىلىس سالاسىنىڭ وكىلدەرىمەن كەزدەسۋ وتكىزدى.
اەس بويىنشا داۋىس بەرۋ قۇرىلىسشىلار ءۇشىن تەك ماڭىزدى مەملەكەتتىك جوبانى قولداۋ عانا ەمەس، سونىمەن قاتار ولاردىڭ كاسىبي قىزمەتى مەن ەكونوميكالىق ءال-اۋقاتىن دامىتۋعا تىكەلەي ۇلەس بولىپ تابىلادى.
ستانسيانىڭ قۇرىلىسىنا مىڭداعان بىلىكتى جۇمىسشىلار مەن قۇرىلىس سالاسىنداعى ماماندار قاجەت. سونىمەن بىرگە اەس جوباسىن جۇزەگە اسىرۋ اتوم ستانسياسىنىڭ قۇرىلىسى عانا ەمەس، سونىمەن قاتار وعان قوسا جۇرەتىن ينفراقۇرىلىمدى، قىزمەتكەرلەرگە ارنالعان تۇرعىن ۇيلەردى جانە الەۋمەتتىك ينفراقۇرىلىم نىساندارىن دامىتۋ جۇمىستارىن قامتيدى. دەمەك، "تەمىربەتون" سياقتى كاسىپورىندار بىرنەشە جىلعا دەيىن تاپسىرىستارمەن قامتاماسىز ەتىلەدى.
سەنات سپيكەرى ماۋلەن اشىمبايەۆ ەڭبەك ۇجىمىمەن كەزدەسۋدە قازاقستان ءۇشىن اتوم ەنەرگەتيكاسىن دامىتۋ جانە اتوم ەلەكتر ستانسياسىن سالۋ ماڭىزدى ءارى ستراتەگيالىق مانگە يە ەكەنىن ءتۇسىندىردى. ەلەكتر ەنەرگياسىن تۇتىنۋدىڭ ءوسۋى الەمدىك ءۇردىس بولىپ تابىلادى. بىزدە ءقازىر ەلەكتر ەنەرگياسىنىڭ تاپشىلىعى شامامەن جىلىنا 2،5 ملرد كۆت/ساع قۇرايدى. ءقازىردىڭ وزىندە جىل سايىن شامامەن 4-5 ملرد كۆت/ساع ەلەكتر ەنەرگياسىن يمپورتتاپ وتىرمىز. سوندىقتان ەلەكتر ەنەرگياسى كوزدەرىن ءارتاراپتاندىرۋ ماڭىزدى ءرول اتقارادى.