ەلدىڭ باتىس وڭىرىندە كۇن قاتتى ىسيدى - اۋا رايى بولجامى

13 ماۋسىمعا ارنالعان اۋا رايى بولجامى.

قازگيدرومەت ەل اۋماعىنداعى ءقاۋىپتى مەتەورولوگيالىق قۇبىلىستارعا بولجام جاسادى، دەپ حابارلايدى Almaty-akshamy.kz

اتموسفەرالىق فرونتالدى بولىكتەردىڭ وتۋىمەن قازاقستاننىڭ باسىم بولىگىندە نايزاعاي ويناپ، جاڭبىر جاۋادى. ەلدىڭ وڭتۇستىك-باتىسىندا، قيىر شىعىسىندا جانە وڭتۇستىگىندە جوعارى قىسىمدى ءورىستىڭ اسەرىنەن جاۋىن-شاشىنسىز اۋا رايى كۇتىلەدى. رەسپۋبليكا بويىنشا جەلدىڭ كۇشەيۋى ساقتالادى، وڭتۇستىگىندە، وڭتۇستىك-باتىسىندا، ورتالىعىندا شاڭدى داۋىل كۇتىلەدى، سولتۇستىگىندە بۇرشاق، داۋىل بولۋى مۇمكىن.

«ماڭعىستاۋ، اتىراۋ وبلىستارىنىڭ باسىم بولىگىندە، باتىس قازاقستان وبلىسىنىڭ وڭتۇستىگىندە، اقتوبە وبلىسىنىڭ وڭتۇستىك-باتىسىندا قاتتى ىستىق بولادى.

اتىراۋ وبلىسىنىڭ وڭتۇستىگىندە وتە قاتتى ىستىق ساقتالادى.

تۇركىستان، اقتوبە، قىزىلوردا، اقمولا، اباي، شىعىس قازاقستان، ماڭعىستاۋ، جامبىل، جەتىسۋ وبلىستارىندا، الماتى وبلىسىنىڭ ورتالىعىندا، سولتۇستىگىندە، پاۆلودار وبلىسىنىڭ سولتۇستىگىندە، قاراعاندى وبلىسىنىڭ وڭتۇستىگىندە، ۇلىتاۋ وبلىسىنىڭ ورتالىعىندا، اتىراۋ وبلىسىنىڭ سولتۇستىگىندە، شىعىسىندا، قوستاناي وبلىسىنىڭ وڭتۇستىك جارتىسىندا، باتىس قازاقستان وبلىسىنىڭ وڭتۇستىگىندە، شىعىسىندا، سولتۇستىك-شىعىسىندا توتەنشە ءورت ءقاۋىپى بار»، - دەپ حابارلايدى سينوپتيكتەر.