مەملەكەت باسشىسىنىڭ تاپسىرماسىن ىسكە اسىرۋ اياسىندا ەلىمىزدىڭ 9 وڭىرىندە كوممۋنالدىق مەنشىكتەگى گيدروتەحنيكالىق قۇرىلىسجايلاردى پايدالانۋ جانە باسقارۋ بويىنشا مامانداندىرىلعان ۇيىمدار قۇرىلدى.
سۋ رەسۋرستارى جانە يرريگاسيا مينيسترلىگىنىڭ اپپارات جينالىسىندا جاڭادان اشىلعان مەكەمەلەردىڭ جۇمىسى قاراستىرىلدى، دەپ حابارلايدى aqshamnews.kz.
اتاپ ايتقاندا، ارنايى مەكەمەلەر اقمولا، اقتوبە، اتىراۋ، باتىس قازاقستان، سولتۇستىك قازاقستان، قوستاناي، قىزىلوردا، جەتىسۋ جانە اباي وبلىستارىندا جۇمىسىن باستادى. وسىلايشا، ەلىمىزدەگى كوممۋنالدىق مەنشىكتەگى گيدروتەحنيكالىق قۇرىلىسجايلاردى پايدالانۋ جانە باسقارۋ بويىنشا مامانداندىرىلعان ۇيىمداردىڭ جالپى سانى 15-كە جەتتى.
بۇگىنگى تاڭدا سۋ رەسۋرستارى جانە يرريگاسيا مينيسترلىگى جاڭادان اشىلعان مامانداندىرىلعان ۇيىمداردىڭ فۋنكسيالارىن، مىندەتتەرى مەن وكىلەتتىكتەرىن رەتتەۋ ءۇشىن نورماتيۆتi-قۇقىقتىق بازانى جەتىلدىرۋ جۇمىسىن جۇرگىزۋدە.
«اكىمدىكتەر جاڭادان اشىلعان ارنايى مەكەمەلەرگە بىلىكتى مامانداردى تارتۋ ماسەلەسىن قاراستىرۋى قاجەت. ول ءۇشىن مامانداردىڭ ەڭبەكاقىسىن كوتەرۋ، باسپانامەن قامتۋ جانە دە تاعى دا باسقا قولداۋ ءىس-شارالارىن ەنگىزگەن ءجون. بۇدان بولەك، مەكەمەلەردى ارنايى تەحنيكا جانە قۇرال-جابدىقمەن قامتاماسىز ەتۋ كەرەك»، - دەدى سۋ رەسۋرستارى جانە يرريگاسيا ءمينيسترى نۇرجان نۇرجىگىتوۆ.