الماتىدا پوليسيا تاعى ءبىر توناۋدىڭ بەتىن اشتى
بۇل جولى ەكى ادام ۇستالدى. ولار كەشكە قاراي مىڭبايەۆ كوشەسىندەگى ۇيلەردىڭ ءبىرىنىڭ كىرەبەرىسىندە جەرگىلىكتى تۇرعىندى كۇتىپ تۇرىپ، كۇش كورسەتەم دەپ قورقىتىپ، ونىڭ تەلەفونىن تارتىپ العان،دەپ حابارلايدى aqshamnews.kz.
– بۇل قىلمىستى ءبىزدىڭ بولىمشە مەن بوستاندىق اۋداندىق پب-نا قاراستى پوليسيا ءبولىمىنىڭ قىزمەتكەرلەرى «ءىزىن سۋىتپاي» اشتى. ەكى كۇدىكتى دە ۇستالىپ، قاماۋعا الىندى. ولاردىڭ ءبىرى بۇرىن قاراقشىلىق شابۋىل جاساعانى ءۇشىن سوتتى بولعان. ايتپاقشى، بۇل جولى دا بەينەباقىلاۋ كامەرالارى قىلمىستى اشۋدا جاقسى ءرول اتقاردى. ادامدى توناۋ دەرەگى بويىنشا قىلمىستىق ءىس قوزعالدى. ۇستالعانداردىڭ جەكە باسى باسقا دا ىقتيمال قىلمىستىق ەپيزودتارعا قاتىسى بار-جوعىنا تەكسەرىلۋدە، – دەدى الماتى قالالىق پد كريمينالدىق پوليسيا باسقارماسىنىڭ باستىعى تالانت يسايەۆ.
ق ر قك-نىڭ 201-بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى. ق ر كونستيتۋسياسىنىڭ 77-بابى 3ء-بولىمى 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.