ەل بىرلىگىن نىعايتۋ ءۇشىن قىزمەت ەتۋ – ەڭ جاۋاپتى ءارى ساۋاپتى ءىس. بۇل تۋرالى بۇگىن ەلوردادا قازاقستان حالقى اسسامبلەياسىنىڭ سەسسياسىندا مەملەكەت باسشىسى قاسىم-جومارت توقايەۆ ايتتى، دەپ حابارلايدى almaty-akshamy.kz
«حالقىمىزدىڭ ىنتىماق-بىرلىگى بۇل – تاعدىردىڭ بەرە سالعان سىيى ەمەس. بۇل – ەڭ الدىمەن، جۇرتىمىزدىڭ كۇندەلىكتى تاباندى ەڭبەگىنىڭ ارقاسى ەكەنىن دۇرىس ءتۇسىنۋىمىز كەرەك. سوندىقتان ءبىز بىرلىگىمىزدى كۇن سايىن نىعايتىپ وتىرۋىمىز قاجەت»، - دەدى قاسىم-جومارت توقايەۆ.
وسى ورايدا پرەزيدەنت تاتۋلىق پەن كەلىسىم حالقىمىزدىڭ ءومىر سالتىنا اينالۋى ءتيىس ەكەنىن ايتتى.
«ايتپەسە، ەلدىكتى ساقتاپ قالۋىمىز وتە قيىن بولادى. جاقسى تىلەك ايتۋ – حالقىمىزدىڭ قانىنا سىڭگەن قاسيەت. «جاقسى ءسوز – جارىم ىرىس» دەپ بەكەر ايتىلماعان. مەن بارشا وتانداسىمىزدى ەلىمىزدىڭ بەرەكە-بىرلىگىن باعالاي بىلۋگە شاقىرامىن. شىن مانىندە، ەل بىرلىگىن نىعايتۋ ءۇشىن قىزمەت ەتۋ – ەڭ جاۋاپتى ءارى ساۋاپتى ءىس. ەلدىكتى بۇزۋ، بىرلىكتى شايقالتۋ، بۇل – زاڭ الدىندا قىلمىس، قۇداي الدىندا – كۇنا. وسىنى ءبارىمىز تەرەڭ ءتۇسىنۋىمىز قاجەت»، - دەدى مەملەكەت باسشىسى.