قارجى پيراميداسىن قۇرعانداردىڭ ءىزى كەسىلدى
جەدەل ىزدەستىرۋ شارالارىن جۇرگىزۋ بارىسىندا الماتى وبلىسى بويىنشا قارجىلىق مونيتورينگ اگەنتتىگىنىڭ اۋماقتىق دەپارتامەنتى «ەلىماي 2019» تۇتىنۋ كووپەراتيۆى تۇرىندە قارجى پيراميداسىن قۇرعان ەرلى-زايىپتىلار ە.كيزبايەۆ پەن ج.ومىربايەۆانى ۇستادى، دەپ حابارلايدى Almaty-akshamy.kz
ولارعا قاتىستى قازاقستان رەسپۋبليكاسى قىلمىستىق كودەكسىنىڭ 217-بابى بويىنشا الماتى وبلىسىندا جانە ەلىمىزدىڭ باسقا وڭىرلەرىندە «ەلىماي 2019» تۇتىنۋ كووپەراتيۆى قارجى پيراميداسىن قۇرۋ جانە وعان باسشىلىق ەتۋ فاكتىسى بويىنشا قىلمىستىق ىستەر تەرگەلۋدە. كۇدىكتىلەر الماتى وبلىسىنىڭ ۋاقىتشا ۇستاۋ يزولياتورىنا قامالدى.
قازىرگى ۋاقىتتا الدىن الا تەرگەۋ ورگانىنا 125-تەن استام زارداپ شەككەن ادام جۇگىندى، جابىرلەنۋشىلەردىڭ سانى الدەقايدا كوپ بولۋى مۇمكىن. وسىعان بايلانىستى الماتى وبلىسى بويىنشا ەكونوميكالىق تەرگەۋ دەپارتامەنتى زارداپ شەككەن ازاماتتاردى وتەگەن باتىر كەنتى، باتتالحانوۆ كوشەسى، 11ا مەكەنجايى بويىنشا نەمەسە +7 (727) 251-71-06 سەنىم تەلەفونىنا حابارلاسۋدى سۇرايدى.