بۇل تۋرالى سايلاۋ ۋچاسكەسىندەگى قىسقا بريفينگ كەزىندە قاسىم-جومارت توقايەۆ مالىمدەدى، دەپ حابارلايدى Almaty-akshamy.kz Inform.kz-كە سىلتەمە جاساپ.
"مەملەكەت جوسپارلى تۇردە جۇمىستى جالعاستىرا بەرەدى، مەن ول تۋرالى ايتقان بولاتىنمىن. باس پروكۋرور باسشىلىق ەتەتىن ارنايى كوميسسيا قۇرىلدى جانە ول كوميسسيانىڭ جۇمىسىن ءوزىم قاداعالايمىن. مەنىڭ پىكىرىمشە، ۋاقىت وتە كەلە، ەلىمىزدەن زاڭسىز اكەتىلگەن كاپيتالدى قايتارۋ بويىنشا زاڭ شىعارۋعا ءتيىسپىز. ال، ءوز ەركىمەن قايتارۋدى تەك قانا قۇپتايمىز"، - دەدى قاسىم-جومارت توقايەۆ.
بۇگىن استانا قالاسىنداعى ءال-فارابي اتىنداعى وقۋشىلار سارايىندا سايلاۋ ۋچاسكەسىندە مەملەكەت باسشىسى قاسىم-جومارت توقايەۆ، كەزەكتەن تىس پرەزيدەنت سايلاۋىندا ءوز تاڭداۋىن جاسادى. قىسقا بريفينگ بارىسىندا جۋرناليستەردىڭ ساۋالدارىنا جاۋاپ بەردى. ساۋالداردىڭ ءبىرى تاۋەلسىزدىك جىلدارىندا ەلدەن زاڭسىز اكەتىلگەن كاپيتالدى قايتارۋعا قاتىستى قويىلعان ەدى.
"تاۋەلسىزدىك جىلدارىندا ەلدەن زاڭسىز اكەتىلگەن كاپيتالدىڭ كولەمى 50 مەن 150 ملرد دوللار اراسىندا دەگەن بولجام بار. قازاقستان وكىمەتىنىڭ بۇل اكتيۆتەردى قايتارۋىنا نە ىقپال ەتۋى مۇمكىن؟ ادامداردىڭ ءوز ەركىمەن قايتارۋى ما الدە مەملەكەت تاراپىنان جاسالاتىن جوسپارلى جۇمىس پا؟ تابىسقا جەتۋ مۇمكىندىگى بار ما؟" - دەپ جۋرناليست ساۋال قويعان ەدى.