ول 12 شىلدەدە وتستاۆكاعا كەتۋ تۋرالى وتىنىشكە قول قويىپ، ەلدەن كەتكەن بولاتىن.
قىزمەتىنەن كەتكەن شري-لانكانىڭ ەكس-پرەزيدەنتى گوتابايا رادجاپاكساعا سينگاپۋر پانا بەرەتىن بولدى، دەپ حابارلايدى Almaty-akshamy.kz Inbusiness.kz سىلتەمە جاساپ.
ەسكە سالا كەتسەك، 9 شىلدەدە ەلدى ۇكىمەتكە قارسى اۋقىمدى نارازىلىق شارالارى شارپىدى. ەرەۋىلشىلەر شري-لانكا بيلىگىنىڭ رەسمي تۇردە وتستاۆكاعا كەتۋىن تالاپ ەتۋدە. جۇزدەگەن دەمونسترانت بارريكادالاردان ءوتىپ، ەكس-پرەزيدەنت گوتابايا رادجاپاكستىڭ رەزيدەنسياسى مەن كەڭسەسىنە باسا-كوكتەپ كىرگەن بولاتىن.
ءساۋىر ايىندا شري-لانكا ەكونوميكالىق داعدارىسقا تاپ بولدى. كوروناۆيرۋستىق پاندەميا سالدارىنان ەلگە كەلەتىن تۋريستەردىڭ سانى ازايىپ، شەتەل ۆاليۋتاسىنىڭ تاپشىلىعى ورنادى. شري-لانكا وتىندى ساتىپ الۋ ءۇشىن تولەم جۇرگىزە الماي قالدى. سونداي-اق قاجەتتى تاۋارلاردى يمپورتتاۋ ءۇشىن ۆاليۋتاسى تاۋسىلعاننان كەيىن، 51 ميلليارد دوللارلىق سىرتقى قارىز بويىنشا دەفولت جاريالاعان ەدى.