قونىس اۋدارۋشىلار رەسەي، اقش، پولشا مەن قىرعىزستانعا بەت العان.
قازاقستاننان شەت ەلدەرگە كوشىپ جاتقانداردىڭ قاتارى ارتقان، دەپ حابارلايدى Almaty-akshamy.kz
بيىلعى قاڭتار-ناۋرىز ايلارىندا قازاقستاننىڭ 3 800 ازاماتى شەت مەملەكەتتەرگە كوشىپ كەتكەن. بۇل – وتكەن جىلمەن سالىستىرعاندا، 42 پايىزعا كوپ.
ەسەسىنە، ەلگە كەلگەندەردىڭ سانى 7،5 مىڭعا جەتكەن.
Ranking.kz سايتىنىڭ مالىمەتىنشە، قازاقستانعا جۇرت كوبىنە كورشى رەسەيدەن كوشىپ كەلەدى ەكەن. ولاردىڭ ءبىرقاتارى الماتى قالاسىنا تۇراقتاعان.
ال ەلدەن كەتكەندەردىڭ كوبى رەسەي، اقش، پولشا جانە قىرعىزستانعا بەت العان. وزگە ەلدە جۇمىس ىستەگىسى كەلگەندەر – 15 جاستان اسقان جانە جوعارى ءبىلىمى بار ازاماتتار.
ماسەلەن، ەميگرانتتاردىڭ 392ء-سى تەحنيكالىق سالانى ءتامامداسا، 135ء-ى پەداگوگيكالىق ماماندىقتار بويىنشا وقۋ بىتىرگەن. ولاردىڭ قاتارىندا ساۋلەت-قۇرىلىس پەن زاڭگەر ماماندىعىندا ءبىلىم العان جاندار دا بار.