ەلەكتروندىق ۇكىمەت وكىلدەرى ءۇشىنشى تۇلعالارعا ەسق بەرمەۋ قاجەت ەكەنىن ەسكەرتتى.
eGov قازاقستاندىقتارعا ەسكەرتۋ جاسادى، دەپ حابارلايدى Almaty-akshamy.kz
ەلەكتروندىق ۇكىمەت پورتالىنىڭ وكىلدەرى الاياقتىق ارەكەتتەرگە بايلانىستى قازاقستاندىقتارعا ۇندەۋ جاسادى.
قۇرمەتتى پايدالانۋشىلار!
الاياقتاردىڭ قۇربانى بولماس ءۇشىن 1414-تەن كودتارى بار حابارلامالاردى ءۇشىنشى تۇلعالارعا جىبەرمەڭىز. الاياقتار حابارلاماداعى كودتى پايدالانىپ، ءسىزدىڭ سيفرلىق دەرەكتەرىڭىزگە قول جەتكىزە الادى، - دەلىنگەن حابارلامادا.
وسى ورايدا ەلەكتروندىق ۇكىمەت وكىلدەرى ءۇشىنشى تۇلعالارعا ەسق بەرمەۋ قاجەت ەكەنىن ەسكەرتتى.
ەسق-نى ءۇشىنشى تۇلعالارعا بەرە وتىرىپ، ءسىز ولارعا زاڭدى قول قويۋ مۇمكىندىگىن بەرەسىز جانە ونىڭ سالدارى ءۇشىن جاۋاپ بەرەسىز، - دەلىنگەن اقپاراتتا.
دەرەكتەردى قالاي قورعاۋعا بولادى:
- 1414-تەن جىبەرىلگەن sms-كودتى ءۇشىنشى تۇلعالارعا بەرمەڭىز؛
- ەسق ءۇشىنشى تۇلعالارعا بەرمەڭىز؛
- قىزمەتكەرلەر جۇمىستان بوساتىلعاننان كەيىن ەسق كەرى قايتارۋىن قاداعالاڭىز؛
- رەسمي قۇجاتتارعا قول قويۋعا جاۋاپتى قىزمەتكەرلەرگە جەكە ەسق بەرىڭىز؛
- ەسق بار فلەشكا جوعالعان جاعدايدا بىردەن جاڭا ەسق الىڭىز؛
- حقكو الىنعان ەسق قۇپيا ءسوزىن اۋىستىرىڭىز؛
- بەيتانىس ادامداردان ەسق كىلتىن اشۋ ءۇشىن اقىلى كومەككە جۇگىنبەڭىز.
ەسق تۋرالى زاڭىنىڭ 10-بابىنىڭ 2-تارماعىنا سايكەس ەسق جابىق كىلتتەرىن باسقا ادامدارعا بەرۋگە بولمايدى. كودەكستىڭ 640-بابىنىڭ 5-تارماعىنا سايكەس، ەسق-نىڭ جابىق كىلتىن باسقا ادامدارعا زاڭسىز بەرگەنى ءۇشىن جەكە تۇلعالارعا 10 اەك، ال زاڭدى تۇلعالارعا 15 اەك مولشەرىندە ايىپپۇل سالىنادى.