بيىلعى 8 ايدا ءار ءتۇرلى مينيسترلىكتە جۇمىس ىستەيتىن 111 ادام جەمقورلىققا قاتىسى بار دەگەن كۇدىككە ءىلىنىپ، قىلمىستىق ءىس قوزعالعان.
بۇل بىلتىرمەن سالىستىرعاندا 20 پايىزعا ارتىق. قۇقىقبۇزۋشىلىقتىڭ كوبى قارجى مينيسترلىگىندە تىركەلگەن. بىلتىر 31 بولسا، بيىل 33 ادام كۇدىككە ءىلىندى، دەپ حابارلايدى Almaty-akshamy.kz.
ەكىنشى ورىندا - قورعانىس مينيسترلىگى. بيىل 22 اسكەري تەرگەلىپ جاتىر. ۇشتىكتى اۋىل شارۋاشىلىعى مينيسترلىگى مەن يندۋستريا جانە ينفراقۇرىلىمدىق دامۋ مينيسترلىگى تۇيىندەپ تۇر.
بۇل مەكەمەلەردىڭ 16 قىزمەتكەرىنىڭ ۇستىنەن ءىس قوزعالعان. الايدا قىلمىس دەڭگەيى بىلتىرعىدان ازايعان مەملەكەتتىك ورگاندار دا بار. ماسەلەن، اقپارات جانە قوعامدىق دامۋ، ەنەرگەتيكا جانە سيفرلىق دامۋ، يننوۆاسيالار جانە اەروعارىش ونەركاسىبى مينيسترلىكتەرىندە جىل باسىنان بەرى ەشقانداي جەمقورلىق دەرەگى تىركەلمەگەن.