وعان سەبەپ - تەمىرجولدارعا جوسپارلى جوندەۋدىڭ جۇرگىزىلۋى.
وسىعان بايلانىستى جولاۋشى پويىزدارىنىڭ جىلدامدىعى باياۋلاپ، بەلگىلەنگەن كەستەسىنەن كەشىگۋى مۇمكىن، دەپ حابارلايدى Almaty-akshamy.kz.
بۇل تۋرالى «قازاقستان تەمىر جولى» (قتج) كومپانياسى مالىمەت تاراتتى.
ينفراقۇرىلىمدى جاڭعىرتۋ جانە اعىمداعى كۇتىپ ۇستاۋ بويىنشا جوسپارلى جۇمىستاردى جۇرگىزۋ ءۇشىن قتج پويىزدار قوزعالىسى جىلدامدىعىنا ۋاقىتشا شەكتەۋ ەنگىزىپ وتىر. بۇل جولاۋشىلار جانە جۇك پويىزدارىنىڭ قوزعالىس كەستەسىنە اسەر ەتەدى. اتاپ ايتقاندا، استانا – الماتى، الماتى – پەتروپاۆل، شىمكەنت – استانا، جەزقازعان – الماتى، الماتى – ورال قاتىناسىنداعى پويىزدار كەشىگۋى مۇمكىن.
«كومپانيا تۋىنداعان قولايسىزدىقتار ءۇشىن جولاۋشىلاردان كەشىرىم سۇرايدى جانە قازىرگى جاعدايعا تۇسىنىستىكپەن قاراۋعا شاقىرادى. «قتج» ۇك» اق-دا جاپپاي جوندەۋ جۇمىستارىن جۇرگىزۋ جاعدايىندا جولاۋشىلار پويىزدارى قوزعالىسىنىڭ نورماتيۆتىك كەستەسىن ساقتاۋ بويىنشا تاۋلىك بويى شارالار قابىلدانۋدا»، - دەلىنگەن كومپانيا حابارلاماسىندا.
ايتا كەتەيىك، بيىل قتج 1،1 مىڭ شاقىرىمنان استام جولدى قالپىنا كەلتىرۋدى جوسپارلاپ وتىر. 108 مىڭنان استام شپال مەن 634 باعىتتامالىق بۇرما جيىنتىعى اۋىستىرىلاتىن بولادى.
جوندەۋ جۇمىستارى تاۋلىك بويى جۇرگىزىلەدى.
اۋقىمدى جۇمىستار اتىراۋ، اقتوبە، قىزىلوردا، قوستاناي، پاۆلودار، سەمەي جانە الماتى وڭىرلەرىندە باستالىپ كەتتى.
كەشەندى جوندەۋ جۇمىستارى مويىنتى – قاراعاندى – استانا ۋچاسكەسىندە دە جۇرگىزىلىپ جاتىر.
«مۇندا كوپ تەر توگۋدى قاجەت ەتەتىن جوندەۋ كەزەڭى – لاستانعان باللاستى تەرەڭ تازارتۋ، ەسكى تەمىربەتون شپالدارىن اۋىستىرۋ، رەلستى تورلاردىڭ تۇتاستىعىن قالپىنا كەلتىرۋ جانە تاعى باسقاسى جۇزەگە اسىرىلۋدا. جامبىل ماگيسترالدىق جەلى بولىمشەسىنىڭ ۋچاسكەلەرىندە جولدى كۇردەلى جانە كۇشەيتىلگەن ورتاشا جوندەۋ اياقتالدى».
جولاۋشىلار پويىزدارىنىڭ قوزعالىس كەستەسى بويىنشا اقپاراتتى «1433» تەگىن ءنومىرى جانە «KTZH_PP_BOT» Telegram-بوتى ارقىلى الۋعا بولادى.