الماتىدا كوپجىلدىق جانە ءبىرجىلدىق دەكوراتيۆتى وسىمدىكتەردى وتىرعىزۋ جۇمىستارى باستالدى. گۇلمەن اباتتاندىرىلاتىن اۋماقتىڭ جالپى كولەمى شامامەن 185 مىڭ شارشى مەتردى قۇرايتىن بولادى، دەپ حابارلايدى اlmaty-akshamy.kz.
قالادا راۋشان، قىزىلكۇرەڭ، كولامبۋس، اببا، لاۆاندا، سالبەن، قازتاماق، گورتەنزيا جانە وزگە دە دەكوراتيۆتى وسىمدىكتەر وتىرعىزىلادى. جول جيەكتەرىنە ماۋسىمدىق گۇلدەردەن سوڭ كەلەسى ماۋسىمدا ءوسىپ شىعاتىن گۇل تۇپتەرى وتىرعىزۋ ىڭعايلى بولۋى ءۇشىن ءبىرجىلدىق وسىمدىكتەر ەگىلەدى.
ماماندار بادانالى وسىمدىكتەرمەن قاتار، كوپجىلدىق جانە ءبىرجىلدىق گۇلدەردى دە ەگەدى. قازىرگى كەزدە كوپجىلدىق وسىمدىكتەردىڭ ۇلەسىن ارتتىرۋ بويىنشا جۇمىستار كەزەڭمەن جۇرگىزىلىپ جاتىر. بۇگىندە كوپجىلدىق وسىمدىكتەر ۇلەسىن 60%-عا جەتكىزۋ جوسپارلانعان.
گۇلدەر كليماتتىق جاعدايلارعا، كولەمى مەن قالپىنا، گۇلزارلاردىڭ كولەمىنە جانە ساندىگىنە قاراي تاڭدالادى. بيىل كوپجىلدىق گۇلدەردى 15 مامىرعا دەيىن، ءبىرجىلدىق وسىمدىكتەردى 10 ماۋسىمعا دەيىن وتىرعىزادى. ال بادانالى وسىمدىكتەر قازان جانە قاراشا ايلارىندا ەگىلەدى.
بيىل سۋارۋ جۇمىستارىن قالا بويىنشا كۇشەيتۋ جوسپارلانعان. مەملەكەتتىك جەكە سەرىكتەستىك اياسىندا قالانى دەكوراتيۆتى كوگالداندىرۋ جۇمىستارىنا 400 مامان مەن 50 بىرلىك تەحنيكا جۇمىلدىرىلدى.