ۇلتتىق بيزنەستىڭ مۇددەسىن قورعاۋ كەرەك. بۇل تۋرالى بۇگىن قازاقستان حالقىنا جولداۋىن جاريالاۋ كەزىندە مەملەكەت باسشىسى قاسىم-جومارت توقايەۆ ايتتى، دەپ حابارلايدى Almaty-akshamy.kz.
«ءقازىر كوپتەگەن ەلدەر ىشكى نارىقتى قورعاۋ شارالارىن بەلسەندى قولدانادى. دامىعان مەملەكەتتەردىڭ ءوزى پروتەكسيونيستىك ونەركاسىپ ساياساتىنا كوشتى. دۇنيەجۇزىلىك ساۋدا ۇيىمىنىڭ باعالاۋىنشا، ءبىزدىڭ ەلدەگى ىشكى نارىقتى قورعاۋ دەڭگەيى تومەن، نەبارى 128 تاريفتىك ەمەس شارا. سوندىقتان، ءبىز ساۋدا-ساتتىق ساياساتىندا جاڭا ءارى باتىل قادام جاساۋىمىز كەرەك»، - دەدى قاسىم-جومارت توقايەۆ.
پرەزيدەنت وتاندىق وندىرىستەردى قولداۋ تاقىرىبىنا توقتالدى.
«مەملەكەت وتاندىق ءونىم وندىرۋشىلەردى قورعاۋعا مىندەتتى. بۇل – ءبىزدىڭ ەكونوميكامىز وزگەلەر ءۇشىن جابىق دەگەن ءسوز ەمەس. ەكونوميكامىز باسقا ەلدەرگە ءاردايىم اشىق بولۋعا ءتيىس. ءبىراق ۇلتتىق بيزنەستىڭ مۇددەسىن قورعاۋ كەرەك»، - دەدى مەملەكەت باسشىسى.