بۇل تۋرالى قۇزىرلى مينيسترلىكتىڭ ماماندارى بريفينگتە باياندادى.
سونىمەن قاتار سالانى سيفرلاندىرۋ باعىتىندا ءبىرىڭعاي پلاتفورما ازىرلەندى، دەپ حابارلايدى aqshamnews.kz 24.kz-كە سىلتەمە جاساپ.
وندا 700 مىڭداي ستۋدەنت پەن وقىتۋشىنىڭ، 2،5 ميلليوننان استام تۇلەكتىڭ مالىمەتتەرى بار. ديپلومداردىڭ ءبارى سيفرلاندىرىلدى. تاعى 5 مەملەكەتتىك قىزمەت اۆتوماتتاندىرىلعان. بريفينگ بارىسىندا ماماندار «ءاى-Sana» يننوۆاسيالىق باعدارلاماسى باستالعانىن اتاپ ءوتتى. جوبا جاساندى ينتتەلەكت سالاسىندا ادامي كاپيتالدى دامىتۋعا باعىتتالعان.
نۇرسۇلتان ماحاتوۆ، ق ر عىلىم جانە جوعارى ءبىلىم مينيسترلىگىنىڭ دەپارتامەنت ديرەكتورى:
- باستاما 100 مىڭ ستۋدەنتتى قامتىپ، ولارعا ەكونوميكانىڭ نەگىزگى سالالارىنا جي ەنگىزۋ ءۇشىن ءبىلىم مەن داعدىلاردى بەرىلەدى. بۇل باعدارلاما جوعارى وقۋ ورىندارىنىڭ ءبىلىم بەرۋدەن عىلىمي-زەرتتەۋ تاسىلىنە كوشۋىنە ىقپال ەتە وتىرىپ، ستۋدەنتتەر مەن وقىتۋشىلاردىڭ ويلاۋىن وزگەرتۋگە ارنالعان.