سەنات دەپۋتاتتارى ۆەتەريناريا سالاسىنداعى ماسەلەلەردى كوتەردى.
«ەلىمىزدە جىلىنا 1200-دەن استام ۆەتەرينار دايارلانادى. ءبىراق ولاردىڭ تەڭ جارتىسى ءوز ماماندىقتارى بويىنشا جۇمىس ىستەمەيدى. وعان جالاقىنىڭ تومەندىگى سەبەپ بولىپ وتىر»، - دەيدى Cەنات دەپۋتاتتارى.
جالپى بۇل سالادا سوڭعى جىلدارى قوردالانعان ماسەلە كوپ. اتاپ ايتساق، اۋىلدىق جەرلەردە ۆەتەرينارلىق پۋنكتتەر جوق، بولعان كۇننىڭ وزىندە ماتەريالدىق بازالارى ابدەن توزعان، دەپ حابارلايدى Almaty-akshamy.kz.
الماتىدا وتكەن كوشپەلى وتىرىستا اۋىل شارۋاشىلىعى مينيسترلىگى وكىلدەرى، دەپۋتاتتار، ۆەتەريناريا ماماندارى مەن عالىمدار سالاداعى ماسەلەلەردى شەشۋ جولدارىن تالقىلادى. جيىندا جىلدان-جىلعا بەلەڭ الىپ كەلە جاتقان مال، قۇس اۋرۋلارىنىڭ الدىن الۋعا ارنالعان شارالاردى كۇشەيتۋ، شەتەلدەن اكەلىنەتىن قاجەتتى پرەپاراتتاردى وزىمىزدە ءوندىرۋ جايى ءسوز بولدى.
«قالاي بولعاندا دا ءبىز اۋىلدى جانداندىرۋىمىز كەرەك. ۆەتەريناريا قاۋىپسىزدىگى ول - ەلدىڭ قاۋىپسىزدىگى. ەلدىڭ قاۋىپسىزدىگى ول - ازىق-تۇلىك قاۋىپسىزدىگى. ءار وبلىس، ءار قايسىسى وزدەرى ءالى كەلگەنشە جاساپ جاتىر. بۇنى ورتالىقتاندىرىپ شەشۋ كەرەك. مينيسترلىك ارقىلى. قاراجات ءبولىنۋى كەرەك. ءبارى قاراجاتقا بايلانىستى. بۇل كەزەك كۇتتىرتپەيتىن ماسەلە. ءبىز ۆەتەريناريالىق قاۋىپسىزدىككە ۇلكەن كوڭىل اۋدارۋىمىز كەرەك»، -دەيدى ق ر پارلامەنتى سەناتىنىڭ دەپۋتاتى مۇحتار جۇماعازييەۆ.