الماتىدا ىرىمشىكتىڭ كەلىسى ورتا ەسەپپەن 4700 تەڭگە.
ۇلتتىق ستاتيستيكا بيۋروسى قازان ايىندا قاتتى ىرىمشىكتىڭ ورتاشا باعاسى كەلىسىنە 4378 تەڭگە بولعانىن مالىمدەدى، دەپ جازادى Almaty-akshamy.kz
وتكەن جىلدىڭ قازان ايىمەن سالىستىرعاندا، بۇل ءونىم باعاسى 31،4 پايىزعا ءوسىپ وتىر. ستاتيستيكا ماماندارىنىڭ ايتۋىنشا، ەڭ قىمبات ىرىمشىك قۇنى قاراعاندىدا تىركەلگەن. مۇندا ىرىمشىكتىڭ ورتاشا باعاسى كەلىسىنە - 5356 تەڭگە.
استانادا ىرىمشىكتىڭ ورتاشا باعاسى 4880 تەڭگە، الماتىدا ىرىمشىكتىڭ كەلىسىنە ورتا ەسەپپەن 4700 تەڭگە، تارازدا 4782 تەڭگە. ەڭ تومەن باعا قونايەۆ قالاسىندا تىركەلدى، مۇندا ىرىمشىكتىڭ كەلىسى ورتا ەسەپپەن 3153 تەڭگە تۇرادى.
2022 جىلعى قاڭتار-تامىز ايلارى ارالىعىندا قازاقستاندا 24 409،9 توننا ىرىمشىك پەن سۇزبە ءوندىرىلدى، بۇل وتكەن جىلدىڭ سايكەس كەزەڭىمەن سالىستىرعاندا 8،3% از.
قازاقستاندىق ىرىمشىك-سۇزبەنى تمد ەلدەرىنە (رف، ارمەنيا، قىرعىزستان، ءازىربايجان، وزبەكستان)، سونداي-اق كورەيا مەن موڭعولياعا ەكسپورتتالدى. بىزگە اتالمىش تاۋار يمپورتى رەسەي، بەلارۋس، ۋكراينا، لاتۆيا، يران ەلدەرىنەن كەلەدى.