ويتكەنى ەلدەگى قور شامامەن 138 مىڭ توننانى قۇرايدى
ەلدەگى ۇن تاپشىلىعى تۋرالى قاربالاس قولدان جاسالعان. ياعني، ۇننىڭ جەتىسپەۋشىلىگى جونىندەگى اقپارات شىندىققا جاناسپايدى. بۇل تۋرالى اۋىل شارۋاشىلىعى مينيسترلىگى ءمالىم ەتتى، دەپ حابارلايدى Almaty-akshamy.kz.
ويتكەنى ەلدەگى قور شامامەن 138 مىڭ توننانى قۇرايدى. وڭىرلەردەگى تۇراقتاندىرۋ قورىندا دا جەتكىلىكتى – 11 مىڭ 200 توننا. ساۋدا نىساندارى مەن ءوندىرۋشى كاسىپورىندارىندا 53 مىڭ توننادان بار. قويمالارداعى كولەم 21 مىڭ تونناعا جۋىقتايدى.
قوسىمشا، مينيسترلىكتە «ازىق-تۇلىك كەلىسىم شارت كورپوراسياسى» اق-دا 600 مىڭ توننا استىق بار، ول 450 مىڭ توننا ۇن وندىرۋگە مۇمكىندىك بەرەدى. مينيسترلىك نارىق قاتىسۋشىلارىن قازىرگى جاعدايدى پايدالانىپ، ۇستەمە پايدا تابۋ ءۇشىن جاعدايدى ۋشىقتىرماۋعا جانە الەۋمەتتىك جاۋاپكەرشىلىك تانىتۋعا شاقىرادى. مينيسترلىك جاعدايدى باقىلاۋدا ۇستاپ وتىر، ەلدەگى ۇن مەن بيداي تاپشىلىعىنا جول بەرمەيدى. تۇراقتىلىق پەن ازىق-تۇلىك قاۋىپسىزدىگىن قامتاماسىز ەتەدى.