وسى ماۋسىمدا تەمىر جول كولىگىمەن تاسىمالداۋ ساپاسىن ارتتىرۋ ماقساتىندا 1400 شاقىرىمعا جۋىق تەمىر جول جوندەۋدەن ءوتتى، دەپ حابارلايدى aqshamnews.kz.
بۇگىنگى تاڭدا 1352 شاقىرىم جول جوندەلىپ، 96% جۇمىس اياقتالدى. بۇل تۋرالى كولىك مينيسترلىگىنىڭ تەمىرجول جانە سۋ كولىگى كوميتەتى حابارلادى.
ماسەلەن، ەلىمىزدىڭ بارلىق وڭىرلەرىن قامتيتىن جۇمىستاردىڭ باسىم بولىگى مىنا ۋچاسكەلەردە جاسالدى:
اقتوعاي-سەمەي-التاي (153 ش/ق)؛
شۋ-قاندىاعاش (266 ش/ق)؛
قاندىاعاش-اقساراي (138 ش/ق)؛
استانا-الماتى (260 ش/ق)؛
الماتى-پاۆلودار (106 ش/ق)؛
جاڭا-ەسىل-كوكشەتاۋ 161 شاقىرىم جانە ت.ب.
جالپى، تەمىر جولداردىڭ 569 شاقىرىمى كۇردەلى جوندەۋمەن، 181 شاقىرىمى كەشەندى جوندەۋمەن جانە 602 شاقىرىم جوسپارلى - الدىن الا جوندەۋمەن قامتىلدى. ەلدىڭ سولتۇستىگىندە ماۋسىم اياقتالدى، وڭتۇستىك وڭىرلەردىڭ جۇمىسى ءالى دە جۇرگىزىلۋدە.
2025 جىلى تاعى 1480 شاقىرىم تەمىرجولدى جوندەۋ جوسپارلانۋدا.