پرەمەر-مينيستردىڭ ورىنباسارى - قارجى ءمينيسترى ەرۇلان جاماۋبايەۆ ەلىمىزدە 5،6 مىڭعا جۋىق ازامات بانكروت دەپ تانىلعانىن ءمالىم ەتتى.
بۇل تۋرالى ول پارلامەنتتىك تىڭداۋدا بايانداما جاساعان كەزدە مالىمدەدى، دەپ حابارلايدى Almaty-akshamy.kz Egemen.kz-كە سىلتەمە جاساپ.
«جەكە تۇلعالاردىڭ بانكروتتىعى بويىنشا «Qoldau» جاڭا اقپاراتتىق جۇيەسى ىسكە قوسىلدى. بيىل 3 ناۋرىزدان باستاپ 69 مىڭنان استام ءوتىنىش كەلىپ ءتۇستى. ونىڭ 55 مىڭى بانكروتتىق راسىمگە سايكەس كەلمەيتىنى انىقتالدى. نەگىزگى سەبەپتەرى: مۇلىكتىڭ بولۋى، بورىشكەردىڭ قارىز سوماسى مەن تولەم مەرزىمى بويىنشا سايكەسسىزدىك جانە كرەديتورمەن بورىشتى دۇرىس رەتتەمەۋ. ناتيجەسىندە 8 ملرد تەڭگەدەن استام بورىش سوماسىنا 5،6 مىڭعا جۋىق ازامات بانكروت دەپ تانىلدى»، - دەدى ە.جاماۋبايەۆ.
ونىڭ ايتۋىنشا سوت ارقىلى بانكروتتىق جانە تولەم قابىلەتتىلىگىن قالپىنا كەلتىرۋ ءراسىمىن قولدانۋ ءۇشىن سوتتارعا 1 200-گە جۋىق ازامات جۇگىنگەن. دەگەنمەن جەكەلەگەن بورىشكەرلەر كەيبىر كەدەرگىلەردىڭ سالدارىنان بانكروتتىق ءراسىمىن قولدانا الماي وتىر.