اتاپ ايتقاندا، 2022 جىلدىڭ 1 مامىرىنا دەيىن جاڭا پىسكەن نەمەسە تۇقىمدىق كارتوپتى اكەتۋگە شەكتەۋ ەنگىزىلەدى.
ق ر اۋىل شارۋاشىلىعى ءمينيسترى 2022 جىلعى 18 اقپانداعى «قازاقستان رەسپۋبليكاسىنىڭ اۋماعىنان جەكەلەگەن تاۋارلاردى اكەتۋدىڭ كەيبىر ماسەلەلەرى تۋرالى» بۇيرىققا قول قويدى، دەپ حابارلايدى Almaty-akshamy.kz
جاڭا پىسكەن كارتوپقا 144 500 توننا، تۇقىمعا - 57 500 توننا كۆوتا بەلگىلەنگەن.
سونداي-اق، ساندىق شەكتەۋلەردى ءبولۋ قاعيدالارى بەكىتىلدى.
قاعيدالارعا سايكەس، ق ر اشم شەكتەۋلەر ەنگىزىلگەن كۇننەن باستاپ ءبىر جۇمىس كۇنى ىشىندە ءوزىنىڭ ينتەرنەت-رەسۋرسىندا 2022 جىلعى ءاقپان-ساۋىر ايلارىندا رەسپۋبليكا اۋماعىنان تاۋارلاردى اكەتۋگە كۆوتا الۋعا وتىنىمدەر قابىلداۋ تۋرالى حابارلاندىرۋ ورنالاستىرادى.
حابارلاندىرۋدا تاۋاردىڭ اتاۋى، بولىنەتىن كۆوتانىڭ كولەمى، ءبىر ءوتىنىش بەرۋشىگە جول بەرىلەتىن ليميت، تىركەلگەن باعانى كورسەتە وتىرىپ، قازاقستاننىڭ ىشكى نارىعىنا جاڭا پىسكەن نەمەسە توڭازىتىلعان (تۇقىمدىق كارتوپتى قوسپاعاندا) كارتوپتى كەپىلدى جەتكىزۋدىڭ كولەمى، كۆوتا الۋ ءۇشىن قاجەتتى قۇجاتتاردىڭ تىزبەسى، وتىنىمدەردى قابىلداۋدىڭ باستالۋ جانە اياقتالۋ كۇنى مەن ۋاقىتى، ۋاكىلەتتى ورگاننىڭ زاڭدى مەكەنجايى، ۋاكىلەتتى ورگان كەڭسەسىنىڭ ەلەكتروندىق مەكەنجايى كورسەتىلەدى.
وسىدان كەيىن اشم بولىنەتىن كۆوتانىڭ كولەمىنە بايلانىستى ءبىر ءوتىنىش بەرۋشىگە 3 000 توننادان اسپايتىن مولشەردە تاۋاردى اكەتۋدىڭ جول بەرىلەتىن ءليميتىن بەلگىلەيدى.
كارتوپتى اكەتۋگە كۆوتا الۋ ءۇشىن ءوتىنىم بەرىلەدى.
وتىنىمگە كەلەسى قۇجاتتار قوسا بەرىلەدى:
- تاۋارلاردى اكەتۋ جۇزەگە اسىرىلاتىن كەلىسىمشارتتاردىڭ كوشىرمەلەرى؛
- جاڭا پىسكەن نەمەسە توڭازىتىلعان كارتوپتىڭ (تۇقىمدىق كارتوپتى قوسپاعاندا) بولۋىن راستايتىن، ساقتالاتىن كارتوپتىڭ جالپى كولەمى مەن ساقتاۋ وبەكتىسىنىڭ ورنالاسقان جەرىنىڭ مەكەنجايى كورسەتىلگەن قۇجات؛
- «اۋىل شارۋاشىلىعى داقىلدارىنىڭ ءتۇسىمىن جيناۋ تۋرالى» جالپىمەملەكەتتىك ستاتيستيكالىق بايقاۋدىڭ ستاتيستيكالىق نىسانىنىڭ كوشىرمەسى؛
- اۋىل شارۋاشىلىعى تاۋارىن ءوندىرۋشىنىڭ اتىنان جاڭا پىسكەن نەمەسە توڭازىتىلعان جانە تۇقىمدىق كارتوپتى اكەتكەن جاعدايدا اۋىل شارۋاشىلىعى تاۋارىن وندىرۋشىدەن ەكسپورتتاۋشى كونتراگەنت تۋرالى نەمەسە ءوتىنىش بەرۋشى زاڭدى تۇلعانىڭ اففيلييرلەنگەنى تۋرالى راستاۋ حات.
بۇل رەتتە اۋىل شارۋاشىلىعى تاۋارىن ءوندىرۋشى كونتراگەنت-ەكسپورتتاۋشىعا نە ۇلەستەس زاڭدى تۇلعاعا ءبىر عانا راستاۋ-حات بەرەدى.
بۇيرىق 2022 جىلعى 22 اقپاننان باستاپ 2022 جىلعى 1 مامىرعا دەيىن قولدانىسقا ەنگىزىلەدى.