سوتتالعان ادامنىڭ باس بوستاندىعىنان ايىرۋ ورنىنداعى ەڭ جاقىن جاناشىرى – جاساق باستىعى.
الماتىدا ۇزدىك جاساق باستىعى انىقتالدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
جازالى ادامداردىڭ قوعامعا قايتادان قالىپتى ازامات بولىپ ورالۋىنا ەڭ كوپ ەڭبەك سىڭىرەتىن دە جاساق باستىعى. وسىنداي جاۋاپتى جۇمىستىڭ جۇگىن ارقالاپ جۇرگەن جاساق باستىقتارىنىڭ اراسىندا جىل سايىن «ۇزدىك جاساق باستىعى» دەگەن كونكۋرس ۇيىمداستىرىلىپ تۇرادى.
كونكۋرستىڭ ماقساتى – جاساق باستىعىنىڭ سوتتالعاندار اراسىنداعى مورالدىق-پسيحولوگيالىق احۋالدى جاقسارتۋ، ولارمەن تاربيە جۇمىسىنىڭ ساپاسىن ارتتىرۋ جولىنداعى كاسىبي شەبەرلىگىن شىڭداۋ.
بيىلعى كونكۋرستا جاساق باستىقتارى جاساقتاعى تاربيە جۇمىسىن ۇيىمداستىرۋدان، ساباق وتكىزۋدەن، جاساق باستىعىنىڭ جۇمىس بولمەسىن، تاربيە جۇمىسىنا ارنالعان بولمەنى، سوتتالعانداردىڭ جاتىن بولمەلەرىن بەزەندىرۋدىڭ جاڭا ادىستەرى تۋرالى تۇسىرىلگەن بەينەروليكتەرىن سىنعا سالدى. سونداي-اق، كونكۋرسقا قاتىسۋشىلار مەديسينالىق جانە كاسىبي دايارلىقتارى بويىنشا دا جارىسقا ءتۇستى.
كونكۋرستىڭ سوڭعى كەزەڭىندە جاساق باستىقتارى ءان شىرقاپ، كۇمبىرلەتە كۇي تارتتى، تەبىرەنە ولەڭ وقىدى. كونكۋرس قورىتىندىسى بويىنشا جەڭىمپاز اتانعان لا-155/6 مەكەمەسىنىڭ جاساق باستىعى بەكزات جاقانوۆ الداعى ۋاقىتتا كونكۋرستىڭ قوستاناي قالاسىندا وتەتىن ءۇشىنشى كەزەڭىنە قاتىسىپ، ب ا ق سىنايتىن بولادى.