ونىڭ تەك 8% پوليگوندارعا شىعارىلىپ، قايتا وڭدەلەدى.
ال تۇرمىستىق قوقىستىڭ 21% جانە وناركاسىپ قالدىقتارىنىڭ 38% عانا پايداعا جاراتىلادى، دەپ حابارلايدى Almaty-akshamy.kz 24.kz-كە سىلتەمە جاساپ.
بۇل تۋرالى VII ەۋرازيالىق جاڭارتىلاتىن ەنەرگيا جانە قالدىقتاردى قايتا وڭدەۋ بيزنەس فورۋمىندا ايتىلدى. حالىقارالىق جيىنعا ەكولوگيا جانە تابيعي رەسۋرستار مينيسترلىگىنىڭ وكىلدەرى، اقش پەن گەرمانيانىڭ قازاقستانداعى ەلشىلەرى جانە ەۋروپالىق وداقتان، كورشى قىرعىزستان مەن تاجىكستاننان كەلگەن قۇرمەتتى مەيماندار قاتىستى. سپيكەرلەر سالاداعى يننوۆاسيالىق تەحنولوگيالار تۋرالى ايتىپ، ءساتتى تاجىريبەلەرىن ۇسىندى.
«ءبىرىنشى كەزەكتە قوقىستى شىعارۋ، سۇرىپتاۋ جانە قايتا وڭدەۋ بويىنشا قاتاڭ زاڭ نورمالارى قاجەت. ەكىنشىدەن، ينفراقۇرىلىمدى دامىتۋ كەرەك. تۇرمىستىق قالدىقتاردى سۇرىپتاۋعا ارنالعان كونتەينەرلەردىڭ كوپ بولعانى ءجون. بۇل ماسەلەدە بارلىق جاۋاپكەرشىلىك اكىمدىكتەرگە جۇكتەلەدى. ۇشىنشىدەن حالىقتىڭ مادەنيەتىن ارتتىرۋ قاجەت. تورتىنشىدەن، لوگيستيكا. ەۋروپادا قالالار بىر-بىرىنە جاقىن ورنالاسقان. قازاقستانداعى وبلىس ورتالىقتارىنىڭ ارا قاشىقتىعى تىم الىس. ونىڭ ۇستىنە قالاارالىق جول ساپاسى كوڭىل كونشىتپەيدى»، - دەيدى قازاقستاندىق قالدىقتاردى باسقارۋ قاۋىمداستىعى ديرەكتورىنىڭ ورىنباسارى ايجان رىسقۇلوۆا.