ەلدە جەمقورلىق دەرتى اسقىنىپ تۇر

قازاقستاندا جەمقورلىق 25%-عا ءوستى. 

جەمقورلىققا ەلدىڭ ەتى ۇيرەنگەن سياقتى. بيىلدىڭ وزىندە قۋ قۇلقىننىڭ قۇلىنا اينالعان 345 قىلمىسكەر سوتتالدى، دەپ حابارلايدى Almaty-akshamy.kz  «حابار 24» سايتىنا سىلتەمە جاساپ. 

بارلىعى دا قولىنداعى قارجىسىن، باسىنداعى بيلىگىن اسىرا پايدالانىپ، ماسەلەنى مامىلەمەن شەشكىسى كەلگەندەر. جىل باسىنان بەرى ەلىمىزدە بارلىعى 1409 سىبايلاس جەمقورلىق قىلمىسى تىركەلىپتى. بۇل كورسەتكىش، اسىرەسە، ءىرى قالالاردا بەلەڭ العان.

ماسەلەن، جەمقورلىقتىڭ ەڭ جوعارى دەڭگەيى – قاراعاندى وبلىسىندا. دالىرەك ايتساق، ەلدەگى كورسەتكىشتىڭ 13%-ىن وسى ءوڭىر قۇراپ وتىر. ال الماتى وبلىسى – 8% مەن تۇركىستان – 7% ەنشىلەدى. ءىرى مەگوپوليستەردە دە احۋال ۋشىققان. الماتى، نۇر-سۇلتان جانە شىمكەنت قالالارىنىڭ كورسەتكىشتەرى شامالاس. ءارقايسىسىنا 7 پايىزدان تيەسىلى.

جەمقورلىقتىڭ ەڭ جوعارى دەڭگەيى:

قاراعاندى وبلىسى – 13،3%                

 الماتى قالاسى – 7،8%  

 الماتى وبلىسى – 8،8%                          

نۇر-سۇلتان قالاسى – 7،7%

تۇركىستان وبلىسى – 7،8%                      

 شىمكەنت قالاسى – 7،6%