ەلدە «جاس عالىم» باعدارلاماسى ىسكە قوسىلدى

پرەزيدەنت تاپسىرماسىنا ساي، ەلىمىزدەگى جاس عالىمدار باسپانامەن قامتىلا باستادى.

عىلىم جانە جوعارى ءبىلىم مينيسترلىگى قابىلداعان «جاس عالىم» باعدارلاماسى شەڭبەرىندە سەمەيلىك نازەركە ءمۇسليموۆا ەلىمىزدە العاش بولىپ باسپانا كىلتىنە يە بولدى، دەپ حابارلايدى Almaty-akshamy.kz.

بىلىكتى مامان شاكارىم ۋنيۆەرسيتەتىندە تاماق ءوندىرىسىن عىلىمي تۇرعىدا جەتىلدىرۋ بويىنشا جىلدار بويى ءتۇرلى زەرتتەۋلەردى ىسكە اسىرىپ كەلەدى. بىرنەشە جوبانىڭ اۆتورى. جاس عالىمداردى باسپانامەن قامتۋ باعدارلاماسى وتباسى بانك پەن مينيسترلىك اراسىنداعى كەلىسىم اياسىندا ىسكە اسقان. باعدارلاماعا قاتىسۋشىنىڭ جاسى 40 تان اسپاۋى ءتيىس. عىلىمي-زەرتتەۋ جۇمىس ءوتىلى 3 جىل جانە دارەجەسى ماگيستردەن تومەن بولماۋى كەرەك.

«جاس عالىم» باعدارلاماسى ارقىلى الدىم. بارلىق قۇجاتتاردى راسىمدەۋگە ونشاقتى كۇن عانا كەتتى. جاڭا جىلدىڭ قارساڭىندا بىزگە توسىن سىي بولدى. ءقازىر قازاقستاندا جاس عالىمداردى قولداۋ مينيسترلىك تاراپىنان وتە جاقسى ءجۇرىپ جاتىر. ارىپتەستەرىمنىڭ بارلىعىنا وسىنداي مۇمكىندىكتى قولدانىپ، وزدەرىنىڭ باسپانالارىن الۋعا تىلەكتەسپىن»، - دەدى تەحنيكا عىلىمدارىنىڭ ماگيسترى نازەركە ءمۇسىلىموۆا.