قازاقستاندا فارماسيەۆتيكالىق ونىمدەردىڭ باعاسى 13،3 پايىزعا ءوستى.
الماتىدا - 17،5 پايىزعا، ماڭعىستاۋ وبلىسىندا - 17،1 پايىزعا، اقتوبە وبلىسىندا - 16،7 پايىزعا، جەتىسۋ وبلىسىندا - 16،2 پايىزعا، جامبىل وبلىسىندا - 14،4 پايىزعا، قىزىلوردا وبلىسىندا - 8،9 پايىزعا قىمباتتاعان، دەپ حابارلايدى Almaty-akshamy.kz Energyprom cاراپشىلارىنىڭ دەرەكتەرىنە سۇيەنىپ.
وسى جىلدىڭ قاڭتار-قازان ايلارىندا ەلىمىزدە دارى-دارمەك ءوندىرىسى قۇنى بويىنشا 112 ميلليارد تەڭگەنى قۇرادى، بۇل وتكەن جىلمەن سالىستىرعاندا 13،2 پايىزعا از.
2022 جىلدىڭ توعىز ايىندا قازاقستانعا ميلليارد دوللارلىق دارى-دارمەك يمپورتتالدى. بۇل جەردە زاتتاي يمپورت - 17،3 پايىزعا، اقشالاي يمپورت - 25،8 پايىزعا ءوستى.
تمد ەلدەرىنەن 101،3 ميلليون دوللارعا 6200 توننا دارى-دارمەك يمپورتتالدى. نەگىزگى كولەمى رەسەيگە كەلدى (4600 توننا).
سونداي-اق تمد-دان تىس ەلدەردەن 900 ميلليون دوللارعا 12 500 توننا ءدارى اكەلىندى. بۇل جەتكىزۋشىلەردىڭ اراسىندا جۇڭگو (2600 توننا)، ودان كەيىن گەرمانيا مەن ءۇندىستان كوش باستادى.