ەلدە بەنزينمەن قامتۋ جاعدايى تۇراقتالدى

قازاقستاندا بەنزينمەن قامتۋ جاعدايى تۇراقتى

بۇل تۋرالى ق ر ەنەرگەتيكا ۆيسە-مينيسترى اسەت ماعاۋوۆ ءمالىم ەتتى، دەپ حابارلايدى Almaty-akshamy.kz قازاقپارات سايتىنا سىلتەمە جاساپ.

«ءقازىر ەلىمىزدە بەنزين بويىنشا جاعداي تۇراقتى. قازان ايىندا شامامەن 304 مىڭ توننا 92 ماركالى بەنزين ءوندىرۋ جوسپارى تۇر. ونىڭ ىشىندە اتىراۋ زاۋىتىندا 130 مىڭ توننا، شىمكەنت زاۋىتىندا 153 مىڭ توننا جانە پاۆلودار مۇناي-حيميا زاۋىتى 20 مىڭ تونناعا جۋىق ءونىم شىعارۋى ءتيىس. ايدىڭ باسىنداعى قولدا بار بينزين قورىن ەسەپكە الا وتىرىپ، ول شامامەن 230 مىڭ توننا ءونىم، ىشكى نارىقتى قامتيمىز دەپ ويلايمىن. ءبىزدىڭ بولجام بويىنشا، بەنزيندى تۇتىنۋ شامامەن 340 مىڭ توننانى قۇرايدى. دەمەك، قازان ايىندا بەنزين جاعدايى قالىپتى بولماق. بۇعان دەيىن قاراشا-جەلتوقسان ايلارىندا اتالعان ءونىم ءتۇرىن ەكسپورتتاۋدى جوسپارلاعان ەدىك»، - دەدى اسەت ماعاۋوۆ ورتالىق كوممۋنيكاسيالار قىزمەتىندە وتكەن باسپا ءسوز ءماسليحاتىندا.

ودان بولەك، ءمينيستردىڭ ورىنباسارى بۇگىندە ەلىمىزدە ديزەل وتىنىنا سۇرانىستىڭ ارتقانىن ايتتى.

«بيىل ەلىمىزدە ديزەل ءوندىرۋ 2015 جىلدان بەرى جوعارى كورسەتكىشكە جەتىپ 4،9 ملن توننانى قۇرادى. اسىرەسە، تامىز-قىركۇيەك ايلارىندا اتالعان وتىن ءتۇرىن تۇتىنۋ جوعارى دەڭگەيگە جەتىپ، شامامەن 520 مىڭ توننانى قۇراپ وتىر. بۇرىن-سوڭدى ىشكى نارىقتا بۇنداي كورسەتكىش تىركەلمەگەن»، - دەيدى ول.

بۇعان دەيىن ۆيسە-مينيستر ەلىمىزدە ديزەل تاپشىلىعى ماسەلەسىنىڭ قالاي شەشىلىپ جاتقانىن ايتىپ بەردى.