سۋعا باتپاۋ ءۇشىن نە ىستەگەن ءجون؟
ەلىمىزدە العاشقى جارتى جىلدا 171 ادام سۋعا باتىپ كەتكەن. ونىڭ 58ء-ى - بالالار. توتەنشە جاعدايلار مينيسترلىگى سۋعا ءتۇسۋ كەزىندە قاۋىپسىزدىك ەرەجەلەرىنە باسا ءمان بەرۋ كەرەكتىگىن ەسكەرتسە دە، وكىنىشكە قاراي، قايعىلى جاعدايدىڭ الدىن الۋ مۇمكىن بولماي تۇر، دەپ حابارلايدى Almaty-akshamy.kz Elinfo_kz-كە سىلتەمە جاساپ.
وسى ورايدا سۋعا باتىپ كەتپەس ءۇشىن ماماندار مىنانداي كەڭەس بەرەدى:
ادەتتە ادامدار سۋعا باتىپ جاتقاندا، قولدارىن جوعارىعا كوتەرەدى، ول دۇرىس ەمەس، سەبەبى مۇندايدا باسىڭىز سۋدىڭ استىندا قالىپ قويادى؛
اياق-قولىڭىزدى سۋدىڭ استىندا توقتاۋسىز قوزعالتىڭىز، قۇددى ءجۇرىپ كەلە جاتقانداي. بۇل باسىڭىزدى سۋ بەتىندە ۇستاۋعا كومەكتەسەدى ءارى قولىڭىزدى تىنىقتىرىپ الۋعا مۇمكىندىك بار؛
كومەك جەتكەنشە ءدال وسى قيمىلدى قايتالاي بەرىڭىز.
سۋدا ۇزاعىراق قالقىپ تۇرۋ ءۇشىن وكپەڭىزدى اۋاعا تولتىرىڭىز. وكپەڭىزدە اۋا بولماسا، سۋ تۇبىنە كەتۋ ءقاۋپى ارتادى؛
ەشقاشان جالعىز جۇزبەڭىز. ءتىپتى كاسىبي جۇزگىشتەردىڭ ءوزى اعىسقا توتەپ بەرە المايدى.