نۇرسۇلتان نازاربايەۆ ءابساتتار دەربىسالىنىڭ عيبراتتى عۇمىرى مەن جارقىن بەينەسى جۇرتشىلىق جادىندا ءاردايىم ساقتالاتىنىنا سەنىم ءبىلدىردى.
ەلباسى بەلگىلى عالىم، قوعام قايراتكەرى ءابساتتار دەربىسالىنىڭ ومىردەن وتۋىنە بايلانىستى ورنى تولماس اۋىر قايعىعا ورتاقتاسىپ، كوڭىل ايتتى، دەپ حابارلايدى Almaty-akshamy.kz
قازاقستاننىڭ تۇڭعىش پرەزيدەنتى ءابساتتار قاجى باعىسباي ۇلى سانالى عۇمىرىن عىلىم جولىنا، ءدىني اعارتۋ سالاسىنا ارناعان پاراساتى بيىك، پايىمى جوعارى، اقجارقىن ازامات بولعانىن اتاپ ءوتتى. جەدەلحاتتا كورنەكتى ءدىنتانۋشىنىڭ قازاقستان مۇسىلماندارى ءدىني باسقارماسىنىڭ باسشىسى قىزمەتىن اتقارعان كەزدە ءمۇفتيات جۇمىسىن جاڭا دەڭگەيگە كوتەرۋگە، ەلىمىزدە ءدىنارالىق تاتۋلىق پەن ۇلتارالىق كەلىسىمنىڭ نىعايۋىنا زور ۇلەس قوسقانى ايتىلعان.
نۇرسۇلتان نازاربايەۆ ءابساتتار دەربىسالىنىڭ عيبراتتى عۇمىرى مەن جارقىن بەينەسى جۇرتشىلىق جادىندا ءاردايىم ساقتالاتىنىنا سەنىم ءبىلدىردى.
بۇدان بۇرىن بەلگىلى ءدىنتانۋشى، شىعىستانۋشى، يسلامتانۋشى عالىم، ءابساتتار قاجى دەربىسالىنىڭ ومىردەن وزعانىن حابارلاعانبىز.