ەل تۇرعىندارىنىڭ قارىزى ازايادى

پرەزيدەنت جارلىققا قول قويدى.

مەملەكەت باسشىسى قاسىم-جومارت توقايەۆ ەكونوميكانىڭ ناقتى سەكتورىن نەسيەلەندىرۋدى كەڭەيتۋ جانە حالىقتىڭ قارىز جۇكتەمەسىن ازايتۋ شارالارى تۋرالى جارلىققا قول قويدى، - دەپ حابارلايدى Almaty-akshamy.kz

ەكونوميكانىڭ ناقتى سەكتورىن قولجەتىمدى جانە تۇراقتى قارجىلاندىرۋدى قامتاماسىز ەتۋ جانە حالىقتىڭ قارىز جۇكتەمەسىن ازايتۋ ماقساتىندا مەملەكەت باسشىسى مىناداي شەشىم قابىلدادى.

ۇكىمەت ۇلتتىق بانكپەن جانە قارجى نارىعىن رەتتەۋ جانە دامىتۋ اگەنتتىگىمەن بىرلەسىپ:

ءبىرىڭعاي جيناقتاۋشى زەينەتاقى قورىنا سالىمشىلاردىڭ جيناقتالعان زەينەتاقى قاراجاتىنىڭ ەلۋ پايىزىنا دەيىن ينۆەستيسيالىق باسقارۋشى كومپانيالارعا اۋدارۋ بولىگىندە قۇقىقتارىن كەڭەيتۋ جونىندە شارالار قابىلداسىن؛

2023 جىلعى 31 جەلتوقسانعا دەيىن ەكىنشى دەڭگەيدەگى بانكتەر مەن كرەديتتىك بيۋرولاردى زاڭدى تۇلعالار، ولاردىڭ كىرىستەرى مەن مۇلكى تۋرالى مەملەكەتتىك دەرەكتەر بازالارىمەن ينتەگراسيالاۋدى قامتاماسىز ەتسىن.

ۇكىمەت ۇلتتىق بانكپەن جانە باسەكەلەستىكتى قورعاۋ جانە دامىتۋ اگەنتتىگىمەن بىرلەسىپ 2023 جىلعى 1 مامىرعا قاراي "قاراپايىم زاتتار ەكونوميكاسى" باعدارلاماسىنىڭ شارتتارىن قايتا قارايدى، ونىڭ ىشىندە:

ەكونوميكانىڭ باسىم سالالارىندا باعدارلاما بويىنشا سىياقى مولشەرلەمەلەرىن سۋبسيديالاۋ مەرزىمىن 5 جىلدان 7 جىلعا دەيىن ۇلعايتۋ؛

ەكونوميكا سالالارىنىڭ باسىمدىلىعىنا قاراي سارالانعان سۋبسيديا مولشەرلەمەلەرىن بەلگىلەۋ.

ۇكىمەت قارجى نارىعىن رەتتەۋ جانە دامىتۋ اگەنتتىگىمەن بىرلەسىپ:

2023 جىلعى 30 ساۋىرگە دەيىن سينديكاتتالعان قارجىلاندىرۋ جانە ەكىنشى دەڭگەيدەگى بانكتەرمەن بىرلەسىپ قارجىلاندىرۋ ارقىلى ينۆەستيسيالىق جوبالار پۋلىن ىسكە اسىرۋ بويىنشا جول كارتاسىن قابىلداۋ؛

2023 جىلعى 30 قىركۇيەككە دەيىن: ۋاقىتشا جەر پايدالانۋ قۇقىعىن كەپىل ۇستاۋشىعا بەرۋ جانە ونى كەيىننەن جەر پايدالانۋ قۇقىعىن ساتىپ الماي جۇزەگە اسىرۋ؛ ستراتەگيالىق وبەكتىلەردى قوسپاعاندا، كاسىپكەرلىك سۋبەكتىلەرىنىڭ جەر قويناۋىن پايدالانۋ قۇقىعىن ساتۋ جونىندەگى كونكۋرستارعا جەر قويناۋىن پايدالانۋ سالاسىنداعى ۋاكىلەتتى ورگاننىڭ مىندەتتى رۇقساتىنسىز قاتىسۋ؛

سالىق ساياساتى تاسىلدەرىنىڭ مىنا بولىكتەرىن قايتا قاراۋ: ۇلتتىق بانكتىڭ نوتالارى بويىنشا بانك تابىسىنا سالىق سالۋ؛ جەكە تۇلعالاردىڭ ميكروكرەديتتەرى بويىنشا بەرەشەگىن ەسەپتەن شىعارۋعا (كەشىرۋگە) بايلانىستى ميكروقارجى ۇيىمدارىنىڭ كىرىستەرىنە سالىق سالۋدان ۋاقىتشا (ءۇش جىلعا) بوساتۋ؛ كوللەكتورلىق اگەنتتىكتەر بەرەشەكتى ەسەپتەن شىعارعان (كەشىرگەن) جاعدايدا جەكە تۇلعالاردىڭ كىرىستەرىنە سالىق سالۋدان بوساتۋ.

ۇكىمەت 2023 جىل 31 جەلتوقسانعا دەيىن:

استىق قولحاتتارى اينالىمىنىڭ ەلەكتروندىق مونيتورينگىنىڭ تيىمدىلىگىن ارتتىرۋ جانە استىق كولەمى مەن اينالىمى تۋرالى سەنىمدى اقپارات الۋ پروسەستەرىن سيفرلاندىرۋ ارقىلى استىق قويمالارىنداعى (سيلوستار مەن استىق قابىلداۋ پۋنكتتەرى) استىق كولەمى مەن ساپاسىنىڭ ساقتالۋىن قامتاماسىز ەتۋ بويىنشا شارالار قابىلداۋ؛

قارجى نارىعىن رەتتەۋ جانە دامىتۋ اگەنتتىگى ۇلتتىق بانكپەن بىرلەسىپ، كۆازيمەملەكەتتىك سەكتور سۋبەكتىلەرىنىڭ كەپىلدىگى بار استىق قولحاتتارىنىڭ بەرىك كەپىلدىكتەر ساناتىنا قوسىلۋىن قامتاماسىز ەتسىن؛

قازاقستان رەسپۋبليكاسى باسەكەلەستىكتى قورعاۋ جانە دامىتۋ اگەنتتىگىمەن بىرلەسىپ كاسىپكەرلىكتى جەڭىلدەتىلگەن ليزينگتىك قارجىلاندىرۋدى كوزدەيتىن مەملەكەتتىك قولداۋ شارالارى شەڭبەرىندە رەسپۋبليكالىق بيۋدجەتتىڭ جانە (نەمەسە) كۆازيمەملەكەتتىك سەكتوردىڭ قاراجاتى ەسەبىنەن سەنىمدىلىك كريتەرييلەرىنە سايكەس كەلەتىن جەكە ليزينگتىك كومپانيالاردى جەڭىلدەتىلگەن كرەديتتەۋدى ۇلعايتۋ ماسەلەسىن پىسىقتاسىن.

بانكتەرگە جانە ميكروقارجى ۇيىمدارىنا كرەديت بەرۋدى ۇلعايتۋ، "بايتەرەك" ۇلتتىق باسقارۋشى حولدينگىنىڭ ۇيىمدارىنان اگروونەركاسىپتىك كەشەن جانە تاماق ونەركاسىبى سالالارىنداعى جوبالاردى قوسا قارجىلاندىرۋ تەتىكتەرىن كەڭەيتۋ بويىنشا شارالار قابىلداسىن.