بيىل ماۋسىم ايىنىڭ سوڭىنا قاراي قارىزدار پورتفەلى 20،1 ترلن تەڭگەگە جەتتى. بۇل وتكەن جىلدىڭ ۇقساس كەزەڭىمەن سالىستىرعاندا 27،5%-عا ارتىق.
Energyprom.kz ساراپشىلارىنىڭ مالىمەتىنشە، ەكونوميكاعا قارىزدار پورتفەلىندەگى مەرزىمىن وتكىزىپ الۋ ۇلەسى اعىمداعى جىلى شامامەن 3%-دى قۇرادى، ال ءبىر جىل بۇرىن ول 6%-دان استى، دەپ حابارلايدى Almaty-akshamy.kz Eloda.info سايتىنا سىلتەمە جاساپ.
ق ر ەدب اراسىنداعى ەلىمىزدىڭ ەڭ ءىرى كرەديتورى Halyk Bank بولىپ تابىلادى. شوعىرلاندىرىلعان اۋديتورلىق قارجىلىق ەسەپتىلىكتىڭ دەرەكتەرى بويىنشا 2021 جىلدىڭ سوڭىنا قاراي بانك بەرگەن قارىزدار 6،3 ترلن تەڭگەگە جەتتى. بۇل وتكەن جىلعا قاراعاندا 29،6%-عا ارتىق. سونىمەن قاتار رەسەيدىڭ ەنشىلەس سبەربانكى بەرگەن قارىزدار 2021 جىلدىڭ سوڭىنا قاراي 2،3 ترلن تەڭگەنى قۇرادى.
سەنتركرەديت بانكىنىڭ كرەديتتىك قورجىنىنىڭ قۇرىلىمى مىناداي: 55،6% - جەكە تۇلعالارعا، 6،6% – ساۋدا سەكتورىنا، 5،7% – جىلجىمايتىن مۇلىكتى جالعا بەرۋ سەكتورىنا، 5% - ەنەرگەتيكاعا، 4،7%- مۇناي-گاز سالاسىنا بەرىلگەن نەسيەلەر.