2022 جىلدىڭ ەكىنشى توقسانىندا قازاقستاندىق وتباسىلاردىڭ شىعىنى ورتا ەسەپپەن 774،9 مىڭ تەڭگەگە جەتتى.
بۇل 2021 جىلدىڭ سايكەس كەزەڭىمەن سالىستىرعاندا 14،5%-عا كوپ، دەپ حابارلايدى Almaty-akshamy.kz.
بۇل رەتتە وتباسىلاردىڭ تابىسى ءبىر جىل ىشىندە 16،4%-عا ءوسىپ، 2022 جىلدىڭ ەكىنشى توقسانىندا 819،4 مىڭ تەڭگەنى قۇرادى.
شىعىستار مەن كىرىستەردىڭ ورتاشا ءبىر وتباسىنا اراقاتىناسى ءبىر جىلدا 96،1%-دان 94،6%-عا دەيىن قىسقاردى. اقشالاي ماندەگى كىرىستەر مەن شىعىستار اراسىنداعى ايىرماشىلىق ءبىر جىل ىشىندە 27،1 مىڭ تەڭگەدەن 44،5 مىڭ تەڭگەگە دەيىن ءوستى. مۇنداي دەرەكتەردى Finprom ساراپشىلارى ۇسىندى.
وڭىرلىك بولىنىستە ەڭ تومەن شىعىستار قوستاناي (ورتا ەسەپپەن ءبىر ءۇي شارۋاشىلىعىنا 559،2 مىڭ تەڭگە) جانە اباي (573،6 مىڭ تەڭگە) وبلىستارىندا، سونداي-اق شىمكەنت قالاسىندا (598،6 مىڭ تەڭگە) بايقالدى. بۇل رەتتە قوستاناي جانە اباي وبلىستارىندا شىعىستار تيىسىنشە كىرىستەردىڭ 76،5%-ىن جانە 74،9%-ىن عانا قۇرايدى، ال شىمكەنتتە كورسەتكىشتەر ءىس جۇزىندە تەڭ بولدى (اراقاتىناسى - 99،8%).
ەڭ كوپ شىعىستار الماتى (932،4 مىڭ تەڭگە)، سونداي-اق قىزىلوردا (924،8 مىڭ تەڭگە) جانە ۇلىتاۋ (912،7 مىڭ تەڭگە) وبلىستارىنىڭ ءۇي شارۋاشىلىقتارىنا تيەسىلى بولدى.
قازاقستاننىڭ ءتورت وڭىرىندە ءۇي شارۋاشىلىقتارىنىڭ شىعىستارى تابىستارىنان اسىپ ءتۇستى: الماتىدا (10،6%-عا)، الماتى وبلىسىندا (10%-عا)، جەتىسۋ وبلىسىندا (9،9%-عا) جانە تۇركىستان وبلىسىندا (5،4%-عا).
ءۇي شارۋاشىلىقتارىنىڭ اقشالاي شىعىستارىنىڭ قۇرىلىمىندا تۇتىنۋ شىعىستارى باسىم. 2022 جىلدىڭ ەكىنشى توقسانىندا ولار 713،9 مىڭ تەڭگەنى قۇرادى، بۇل 2021 جىلدىڭ سايكەس كەزەڭىمەن سالىستىرعاندا 13،8%-عا ارتىق.
ونىڭ 398،5 مىڭ تەڭگەسى ازىق-تۇلىك تاۋارلارىنا، 182،2 مىڭ تەڭگەسى ازىق-تۇلىك ەمەس تاۋارلارىنا، 133،2 مىڭ تەڭگەسى اقىلى قىزمەتتەرگە جۇمسالدى.
2021 جىلدىڭ ەكىنشى توقسانىمەن سالىستىرعاندا ازىق-تۇلىك تاۋارلارىنا شىعىن 10،2%-عا، ازىق-تۇلىك ەمەس تاۋارلارىنا 17،7%-عا، اقىلى قىزمەتتەرگە بىردەن 20،1%-عا ءوستى.
بۇدان باسقا، 2022 جىلدىڭ ەكىنشى توقسانىندا ءۇي شارۋاشىلىعىنا ورتا ەسەپپەن 45،3 مىڭ تەڭگە كرەديت پەن بورىشتى وتەۋگە، تاعى 15،6 مىڭ تەڭگە تۋىستارىنا، تانىستارىنا ماتەريالدىق كومەككە، اليمەنتكە، سالىقتارعا، تولەمدەرگە جانە باسقا دا تولەمدەرگە جۇمسالعان شىعىستاردى قۇرادى.